मुंबई - भिवंडी शहर पुन्हा एका मोठ्या गुन्ह्यामुळे हादरले आहे. एका 16 वर्षीय मुलीला घरातून पळवून तिला पैसे आणि मौल्यवान वस्तूंचे अमीष दाखवत बलात्कार केल्याची घटना घडली आहे. अपहरण, बलात्कार, पोस्कोअंतर्गत पोलिसांनी दाखल केलेल्या गुन्ह्यात दोघांना अटक करण्यात आली आहे. संतोष सोनी आणि इरशाद अन्सारी असे अटक केलेल्या आरोपींची नावे आहेत. या घटनेमुळे आरोपींच्या हॉटेल आणि पानटपरीवर संताप्त जमावाने काल दगडफेक केली. यावेळी परिसरात तणाव निर्माण झाला होता.

कोस्टल रोड प्रकल्प : सागरी जैवविवीधतेसाठीचा 175 कोटीचा निधी मॅंग्रोव्ह फाउंडेशनकडे सुपुर्द

पोलिसांनी दिलेल्या माहितीनुसार, आरोपी संतोष पानटपरीवर काम करतो. पीडित मुलीचे 12 नोव्हेंबर रोजी पैसे आणि मौल्यवान वस्तूंचे अमिष दाखवत संतोषने अपहरण केले. त्यानंतर तीला स्वतःच्या घरात कोंडून ठेवले. पीडित मुलीच्या वडिलांना ही बाब लक्षात येताच त्यांनी आरोपीला जाब विचारण्यासाठी धाव घेतली. त्यावेळी संतोषने त्यांना धमकी देत धक्काबुक्की करीत हाकलून लावले. 

कोरोना रुग्णसंख्या आटोक्यात आणण्यासाठी नाकेबंदी, मुंबईच्या प्रवेशद्वारांवर पथकं तैनात करणार

पीडित मुलीच्या वडिलांनी तत्काळ पोलिसांना याबाबत माहिती दिली.  21 नोव्हेंबर रोजी या प्रकरणी गुन्हा नोंदवण्यात आला. पोलिसांनी मुलीचा शोध घेतला. आणि तिला तिच्या पालकांच्या स्वाधीन केले. परंतु वैद्यकीय चाचणीच्या अहवालात तिच्यावर अत्याचार झाल्याचे स्पष्ट झाले. संबधित घटना दिवानशाह परिसरात वाऱ्यासारखी पसरली. संतप्त जमावाकडून दगडफेक झाल्याने परिसरात तणावाचे वातावरण होते.