रोहिणी गोसावी : सकाळ वृत्तसेवा

मुंबई : मुंबईच्या महापौर किशोरी पेडणेकर (Mayor Kishori pednekar) यांच्याबद्दल आक्षेपार्ह शब्द (Offensive statement) बोलल्याबद्दल भाजपचे नेते आशिष शेलार (Ashish Shelar) यांच्यावर मरीन ड्राईव्ह पोलीस स्टेशनमध्ये (Marine Drive Police station) गुन्हा दाखल (Police FIR) करण्यात आला होता. या प्रकरणात आता आशिष शेलार यांना जामीन मिळाला आहे. 1 लाख रुपयांच्या जातमुचलक्यावर हा जामीन मंजूर करण्यात आला आहे.

काल किशोरी पेडणेकर यांनी तक्रार दिल्यानंतर तात्काळ आशिष शेलार यांच्या विरोधात भादवीच्या कलम 354 अ (4) आणि 509 अंतर्गत गुन्हा नोंदवण्यात आला होता, त्यानंतर आज दुपारी आशिष शेलार स्व:ताच जबाब नोंदवण्यासाठी मरीन ड्राईव्ह पोलीस स्टेशनला पोहोचले होते, जबाब नोंदवल्यानंतर त्यांना जामिनही मंजूर करण्यात आला.

मी कोणताही गुन्हा केलेला नाही

माझ्यावर लावण्यात आलेले आरोप खोटे आहेत, मी महापौर किंवा कोणत्याही महीलेबद्दल असे अपमानास्पद शब्द बोललेलो नाही, असं आशिष शेलार जामीन मंजूर झाल्यावर माध्यमांशी बोलताना म्हणाले.