मुंबई: विरोधकांची पोलखोल करणारे भाजप नेते किरीट सोमय्या आता स्वतः अडचणीत सापडले आहेत.  किरीट सोमय्या यांचे पूत्र नील सोमय्या याची एका जुन्या वादातून पोलिस चौकशी करण्यात आली आहे. नील सोमय्या यांच्याविरुद्ध खंडणीचा आरोप करण्यात आला होता. त्यानंतर पोलिसांकडून त्यांची चौकशी करण्यात आली आहे. मुलुंड पोलीस ठाण्यात नील सोमय्या यांची तब्बल चार तास कसून चौकशी झाली.

नील सोमय्या यांच्यावर एका जुन्या प्रकरणात खंडणीचा आरोप करण्यात आला होता. त्यामुळे मुलुंड पोलिसांनी त्यांना चौकशीसाठी बोलावलं होतं. मुलुंड पोलिस ठाण्यात त्यांचा जबाबही नोंदवण्यात आला. जवळपास ४ तास चौकशी झाल्यानंतर नील सोमय्या यांना घरी सोडण्यात आलं. दरम्यान येत्या काळात या प्रकरणावरुन त्यांची पुन्हा एकदा चौकशी होण्याची शक्यता वर्तवण्यात येत आहे. 

मुंबई विभागातल्या ताज्या बातम्या वाचण्यासाठी येथे क्लिक करा.

नील सोमय्या हे भाजपचे नगरसेवक आहेत. किरीट सोमय्या महाविकास आघाडी सरकारमधल्या नेत्यांवर घणाघाती आरोपांसाठी ओळखले जातात. ते सातत्याने सरकारच्या त्रुटी शोधून काढताना दिसतात.  गेल्या काही काळात ठाकरे सरकारच्या भ्रष्टाचाराची अनेक प्रकरणे त्यांनी समोर आली आहेत.

हेही वाचा- शेतकरी आंदोलनात फूट का?, संजय राऊतांचा मोदी सरकारला सवाल

 bjp leader kirit somaiya son neil somaiya extortion case mulund police interrogate 4 hours