मुंबईः माजी आदिवासी विकास मंत्री विष्णू सावरा यांचं वयाच्या 72 व्या वर्षी अखेरचा श्वास घेतला आहे. महाराष्ट्राचे माजी कॅबिनेट मंत्री आणि ज्येष्ठ आदिवासी नेते विष्णू सावरा यांचं दीर्घ आजाराने निधन झालं. ते 72 वर्षांचे होते. गेले दोन वर्ष ते यकृताच्या आजाराने त्रस्त होते. सावरा यांच्या निधनावर विधान परिषदेचे विरोधीपक्षनेते देवेंद्र फडणवीस यांनी शोक व्यक्त केला आहे.
भारतीय जनता पार्टीचे ज्येष्ठ नेते, माजी मंत्री श्री विष्णू सावरा यांच्या निधनाने भारतीय जनता पार्टीचा एक सच्चा आणि समर्पित कार्यकर्ता हरपला आहे. आदिवासी समाजाच्या विकासासाठी त्यांनी दिलेले योगदान हे कायम स्मरणात राहील, अशा शब्दात माजी मुख्यमंत्री आणि विधानसभेतील विरोधी पक्षनेते देवेंद्र फडणवीस यांनी आपल्या शोकसंवेदना व्यक्त केल्या आहेत.
मंत्री म्हणून आदिवासी कल्याणाच्या अनेक योजना राबविण्यात त्यांनी मोलाची कामगिरी बजावली.
मी त्यांना विनम्र श्रद्धांजली अर्पण करतो.
त्यांचे कुटुंबीय, आप्तस्वकियांच्या दु:खात आम्ही सारेच सहभागी आहोत.
ॐ शान्ति
— Devendra Fadnavis (@Dev_Fadnavis) December 9, 2020
भारतीय जनता पार्टीत जिल्हाध्यक्ष, आदिवासी आघाडीचे अध्यक्ष, प्रदेश सचिव अशा विविध भूमिकांमधून संघटनात्मक कार्यात त्यांनी मोठे योगदान दिले. निवासी शाळांचे व्यवस्थापन, आदिवासी समाजात शिक्षणाचा प्रसार यासाठीही त्यांनी अनेक परिश्रम घेतले. स्पष्टवक्तेपणा आणि प्रत्यक्ष जमिनीवर काम करणारा नेता म्हणून त्यांची ओळख होती.
— Devendra Fadnavis (@Dev_Fadnavis) December 9, 2020
मंत्री म्हणून सुद्धा त्यांनी आदिवासी कल्याणाच्या अनेक योजना परिणामकारकपणे राबविण्यासाठी पुढाकार घेतला. सुमारे 30 वर्ष त्यांनी विधिमंडळात प्रतिनिधीत्त्व केले. मी त्यांना भावपूर्ण श्रद्धांजली अर्पण करतो, असे देवेंद्र फडणवीस यांनी म्हटले आहे.
BJP leader Vishnu Savara passes away Condolences from Devendra Fadnavis
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.