Virat Kohli : 'खूप फसवणूक झाली मात्र आता...' विराट कसा झाला 634 कोटी रूपयाचा मालक?

Virat Kohli : आयपीएल 2024 मध्ये रॉयल चॅलेंजर्स बंगळुरूची कामगिरी खुपच खराब राहिली होती, पण विराट कोहलीने आपल्या फलंदाजीने चाहत्यांची मने जिंकण्यात कोणतीही कसर सोडली नाही. आरसीबी सध्या पॉइंट टेबलमध्ये दहाव्या स्थानावर आहे. पण प्ले ऑफमध्ये पोहोचण्याच्या आशा अजूनही जिवंत आहेत आणि याचे श्रेय देखील विराट कोहलीच्या फलंदाजीला जाते. आरसीबीसाठी विराट कोहली जितका वेळ मैदानावर आहे तितकाच वेळ मैदानाबाहेर घालवत आहे.

अलीकडेच, विराट कोहलीसह इतर काही सहकाऱ्यांनी एका प्रमोशनल इव्हेंटमध्ये हजेरी लावली जिथे त्याने अनेक मनोरंजक प्रश्नांची उत्तरे दिली. यादरम्यान होस्ट गौरव कपूरने विराट कोहलीला विचारले की, जर तु क्रिकेटर नसता तर काय करत असता? या प्रश्नाला उत्तर देताना विराट कोहलीने मोठे वक्तव्य केले.

या व्हायरल क्लिपमध्ये कोहली म्हणतो की, 'मला माहित नाही, पण कदाचित बिजनेस करत असतो. आणि खरे सांगायचे झाले तर, मी याबद्दल कधीही विचार केला नाही. कारण मला बिजनेस करता येत नाही. आता हळूहळू येतो. जर मी क्रिकेटशिवाय बिजनेस केला असता तर 200% लोकांनी मला मूर्ख बनवले असते. आधी खूप फसवणूक झाली मात्र आता सगळं शिकलो आहे.

कोहलीने अनेक कंपन्यांमध्ये केली गुंतवणूक

विराट कोहली अनेक बिजनेस चालवतो आणि त्याने इतरांच्या बिजनेसमध्येही गुंतवणूक केली आहे. कोहलीची 'wrogn' नावाची स्वतःची कपड्यांची कंपनी आहे. कोहली वन एट (18) नावाची रेस्टॉरंट चेनही चालवतो. या चेनमध्ये दिल्लीपासून मुंबईपर्यंत विराटचे रेस्टॉरंट्स आहेत. 2015 मध्ये, कोहलीने जिम आणि फिटनेस सेंटर कंपनी Chisel Fitness आणि CSE सोबत भागीदारी केली.

काही मीडिया रिपोर्ट्सनुसार, विराट कोहलीने गेल्या वर्षी देसी कॉफी ब्रँड Rage Coffee मध्ये गुंतवणूक केली होती. हा दिल्ली-आधारित FMCG ब्रँड 2018 मध्ये लॉन्च झाला होता. 2019 मध्ये, विराट कोहलीने बेंगळुरू स्थित स्टार्टअप कंपनी Galactus Funware Technology Pvt Ltd मध्ये गुंतवणूक केली होती. ही कंपनी ऑनलाइन गेमिंग प्लॅटफॉर्म मोबाइल प्रीमियर लीग (MPL) चालवते.