मुंबई : साहित्य हे वाचून त्याचे मुल्य आत्मसात करताना जी कौशल्य क्षमता (Skills capability) आणि विचार विकसीत होतात ते ऐकून होणे शक्य नाही, असे सांगत मुंबई महानगरपालिका प्रशासनाने (BMC Authorities) विद्यार्थ्यांसाठी ध्वनिमुद्रित पुस्तिका (Audio books) तयार करण्याचा शिवसेनेचा ठराव नाकारला आहे. तसेच ध्वनिमुद्रित पुस्तिका तयार करणे हे ही अत्यंत खर्चिक बाब आहे.असेही प्रशासनाने नमुद केले. (bmc authorities rejects audio books proposal of shivsena)

पालिकेच्या विद्यार्थ्यांना अभ्यासव्यतिरीक्त प्रसिध्द लेखकांच्या वाडमयाची ओळख होण्याची गरज आहे. ही ओळ फक्त वाचून समजणे अवघड जाण्याची शक्यता आहे. त्यामुळे प्रसिध्द लेखांचे वाड्मय नावाजलेल्या कलाकारांच्या आवाजात ध्वनिमुद्रीत करुन ऑडीओ बुक्स तयार करण्याचा ठराव शिवसेनेच्या शितल म्हात्रे यांनी मांडला होता. हा ठराव महानगर पालिकेने मार्च 2020 मध्ये मंजूरही केला होता.त्यावर प्रशासनाने भुमिका स्पष्ठ केली आहे. विद्यार्थ्यांना संस्कारक्षम वयामध्ये अभ्यासाव्यतिरिक्त सुप्रसिध्द लेखकांचे वाङ्मय वाचून समजणे सुरुवातीला अवघड जाण्याची शक्यता असते.

परंतु काही कालावधीनंतर शब्दकोश, विविध वाङ्मयाचे स्वरूप आणि साहित्यकारांची शैली ओळखल्यानंतर साहित्य वाचण्यात मिळणारा आनंद इतका रसमय असतो की त्याची तुलना ऐकून समजण्याशी करता येत नाही, वाङ्मयाची रचना ही मूलतः वाचण्यासाठीच केली जाते. साहित्य वाचून त्याचे मूल्य आत्मसात करताना जी कौशल्ये, क्षमता आणि विचार विकसित होतात ते ऐकून होणे शक्य नाही.असे प्रशासनाने शिक्षण समितीच्या पटलावर मांडलेल्या उत्तरात नमुद केले आहे.

सुप्रसिध्द लेखकांचे वाङ्मय, नावाजलेल्या कलाकारांच्या आवाजामध्ये ध्वनिमुद्रित करुन, ध्वनिमुद्रित पुस्तिका तयार करणे ही अत्यंत खर्चिक बाब असणार आहे. तसेच वाङ्मयाचे वाचन हे प्रशिक्षित शिक्षकच प्रभावीपणे करू शकतात अशी शिक्षण विभागाची धारणा असल्याचेही नमुद करण्यात आले आहे.