कांदिवली : मुंबई महापालिका (BMC) कार्यानुभव विभागामार्फत दिवाळीच्या तयारीसाठीची (diwali preparation) ऑनलाईन कार्यशाळा (online workshop) पार पडली. या कार्यशाळेत पणती सजावट, रांगोळी कटवर्क साचा आणि कंदील बनवणे (lamp making) आदींचे प्रशिक्षण देण्यात आले. कार्यशाळेत एकूण २०० विद्यार्थी सहभागी झाले होते. विद्यार्थ्यांनी अतिशय सुंदर कलाकृती (Students Art making) सादर केल्या.

शिक्षणाधिकारी राजू तडवी, उपशिक्षणाधिकारी सुजाता खरे, अधीक्षक अशोक मिश्रा, कार्यानुभव निर्देशिका तृप्ती पेडणेकर यांचे मार्गदर्शन लाभले. तसेच विभागप्रमुख दीपिका पाटील, कल्पना संखे व विभाग निरीक्षक कल्पना उंबरे आदींनी मुलांचे कौतुक केले. केंद्रप्रमुख आर विभाग भार्गव मेहता, उपकेंद्र प्रमुख कुशल वर्तक, तसेच सर्व वरिष्ठ शिक्षक यांनीही या कार्यक्रमासाठी सहकार्य केले. सूत्रसंचालन कुशल वर्तक व रूपाली बारी यांनी केले. खेळीमेळीच्या वातावरणात कार्यशाळा संपन्न झाली.