मुंबई: महापालिकेच्या रुग्णालय कर्मचाऱ्यांनी आज बायोमेट्रीक हजेरीवर बहिष्कार टाकला. महापालिका प्रशासनाला 5 दिवसांनी मुदत दिली असून त्यानंतर आंदोलन छेडण्याचा इशारा कामगार संघटनांनी दिला आहे.

हेही वाचा: 'तो' मृतदेह आमच्याच नातेवाईकाचा होता का?..बेपत्ता कोरोना रुग्णाच्या नातेवाईकांचा सवाल.. 

कोविडच्या साथीमुळे केंद्र सरकार राज्य सरकार आणि त्यानंतर महापालिकेने कर्मचार्यांसाठी बायोमेट्रीक हजेरी स्थगित केली होती. मात्र,महापालिकेने आज पासून बायोमेट्रीक हजेरी सुरु केली आहे.

या निर्णयाला सर्व कामगार संघटनांनी विरोध केला होता. मात्र, आज पासून ही हजेरी सुरु झाली आहे. पालिकेच्या सर्व  रुग्णालयातील कर्मचार्यांनी आज बयोमेट्रीक हजेरी नोंदवलेली नाही. तसेच पुढील 5 दिवस हजेरी नोंदवणार नसून त्यानंतरही प्रशासनाने निर्णय न बदलल्यास आंदोलन छेडू असा इशारा म्युनिसीपल मजदूर युनियनेने दिला आहे.

रुग्णालयातील प्रत्येक कर्मचारी जिव धोक्यात  घालून काम करत आहे. बायोमेट्रीक हजेरी मुळे कोविड संसर्गाचा धोका अधिक वाढणार आहे. राज्य सरकानेही अद्याप बायोमेट्रीक हजेरी सुरु केलेली नाही.

हेही  वाचा: मिरा- भाईंदर महापालिकेची व्यवस्था राम भरोसे; आयुक्तही १४ दिवसाच्या अलगीकरणात.. 

मग पालिकेचा हट्ट का असा प्रश्न युनियनचे प्रतिनीधी प्रदिप नारकर यांनी उपस्थीत केला. बायोमेट्रीक हजेरी नोंदवल्यानंतरही लिखीत हजेरी नोंदविण्यात येते. मग प्रशासन हा हट्ट का करत आहे असा प्रश्नही त्यांंनी उपस्थीत केला. 

bmc hospital employees denied to gove biometric attendance