मुंबई : अंथरुणाला खिळून असलेल्या रुग्णांचे (old age patients) कोविड लसीकरण (Corona vaccination) सोमवार पासून सुरु होणार आहे. या लसीकरणासाठी अर्ज आल्यानंतर पालिकेच्या (BMC) आरोग्य सेविका खात्री करुन घेतील. त्यानंतरच लसीकरण करण्यात येईल असे महापौर किशोरी पेडणेकर (mayor kishori pednekar) यांनी स्पष्ट केले. (kishori pednekar says health department will ensure about vaccination process- nss91)

घरोघरी लसीकरणाला मर्यादा आहेत.यात,प्रामुख्याने लसीच्या कुपीतून एक डोस दिल्यानंतर ती कुपी चार तासानंतर वापरता येत नाही.एका कुपीत दहा जणांना लस देता येते.त्यामुळे त्या परीसरात दहा जण असणे गरजेचे आहे.तसेच,अंथरुणाला खिळलेल्या व्यक्तीच्या कुटूंबियांनी अर्ज केल्यानंतर महापालिकेच्या आरोग्य सेविका स्वत: पाहाणी करुन खात्री करुन घेतील असेही महापौरांनी सांगितले.मुंबईत चार हजारहून अधिक व्यक्तींचे घरी जाऊन लसीकरण करायचे आहे.प्रायोगिक तत्वावर महानगर पालिकेने अंधेरी पुर्व मध्ये असे लसिकरण केले आहे.मात्र,यातील 14 हून अधिक व्यक्ती या वृध्दाश्रमातील होत्या.तर,23 व्यक्तींना घरी जाऊन लस दिली आहे.असे 37 जणांचे लसीकरण प्रायोगिक तत्वावर केले आहे.

कोविडची लस घेतल्यानंतर किमान 30 मिनिटे संबंधीत व्यक्तीला लसीकरण केंद्रात देखरेखी खाली ठेवले जाते.अशा परीस्थीतीत चार तासात एक कुपी संपवणे शक्‍य नाही.त्यामुळे नागरीकांकडून संबंधीत व्यक्तीला लस दिल्यानंतर त्यांचा नेहमीच डॉक्‍टर घरी उपस्थीत राहील याचीही खात्री करण्यात येणार आहे.असेही महापौरांनी सांगितले. "अंधरुणाला खिळलेल्या व्यक्तींचे लसीकरण होणे गरजेचे आहे.मात्र,यात अनेक मर्यादा आहे.यावर तोडगा काढून हे लसीकरण करण्यात येईल'.-किशोरी पेडणेकर,महापौर