मुंबई - मुंबई महापालिका निवडणूकीच्या पार्श्वभूमीवर सत्ताधारी आणि विरोधक यांच्यात जोरदार खंडाजंगी सुरु आहे. दरम्यान मुंबई महापालिकेत सत्ता असणाऱ्या शिवसेनेला भाजपा अनेक कारणांवरून धारेवर धरतं असतात. (BMC) दरम्यान आज महापालिकेच्या महापौर किशोरी पेडणेकर यांनी भाजपावर (BJP) टीकास्त्र सोडले आहे. भाजपा जुन्या कडीला उतआण्याच काम करत असल्याचा टोला त्यांनी लगावला आहे. टिपू सुलतानच्या नावाला शिवसेनेचा (Shivsena) पहिल्यापासून विरोध कायम आहे. स्पोर्ट्स कॉम्प्लेक्सला राणी लक्ष्मीबाई यांच नाव देण्यात यावं अशी मागणी शिवसेनेनं केली आहे.

भाजपावर टीका करताना पेडणेकर (Kishori pednekar) म्हणाल्या, भाजपचे नेते महापालिकेतील मिनिट्स बदलण्याचा प्रयत्न करत आहेत. भाजपाचे सध्याचे आमदार अमित साटम यांनी नगरसेवक असताना एम पूर्व वॉर्ड मधील बाजीप्रभू देशपांडेपासून सुरु होणाऱ्या रफिकनगर येथील नाल्यापर्यंत जाणाऱ्या शिवाजीनगर मार्ग क्रमांक चार टिपू सुलतान मार्गासाठी निधीसाठी प्रयत्न केले होते. महापालिकेच्या मिनिट्समध्ये दोन रस्त्यांना नाव देताना भाजपकडून इतिहासाचे दाखले पुराव्यानिशी उघड होत आहेत, असेही त्या म्हणाल्या.

दरम्यान, टिपू सुलतान हा हिंदू विरोधी होता. त्याने हिंदूंची अनेक मंदिरे उध्वस्त केली, हजारो हिंदूंचे धर्मांतरण केले तसेच अनेक हिंदूंची क्रूरपणे हत्या केली आहे. अशा क्रूर आणि हिंदू विरोधी टिपू सुलतानचे नाव क्रीडा मैदानास देण्यास आमचा विरोध आहे. हे नामकरण त्वरित थांबवण्यात यावे अशी मागणी विश्व हिंदू परिषदने केली आहे.