अलिबाग : येथील गुरुकुल व्यायामशाळेतर्फे शनिवारी घेण्यात आलेल्या जिल्हास्तरीय गुरुकुल श्री २०२२ (Gurukul Shree 2022) स्पर्धेत उरण तालुक्यातील कोप्रोली येथील रायगड हेल्थ सेंटरचा (Raigad Health center) अनिल म्हात्रे (Anil Mhatre) मानकरी ठरला. स्पर्धेमध्ये बेस्ट पोझरचा बहुमान रायगड हेल्थ सेंटर कोप्रोली येथील जितेंद्र पाटील (Jitendra Patil) याने पटकावला.

कुरूळ येथे रायगड जिल्हा हौशी शरीरसौष्ठव संघटनेच्या मान्यतेने ही स्पर्धा घेण्यात आली. स्पर्धेचे उद्‌घाटन आमदार महेंद्र दळवी यांच्या हस्ते करण्यात आले. यावेळी भाजपचे दक्षिण विभागाचे जिल्हा अध्यक्ष अॅड. महेश मोहिते, नागावचे सरपंच निखिल मयेकर, दीपक रानवडे, डॉ. राजेंद्र चांदोरकर, सौरभ मोकल, सुशील पाटील, सुनील राणे आणि अमिर ठाकूर उपस्थित होते. या स्पर्धेमध्ये बेस्ट पोझर रायगड हेल्थ सेंटर कोप्रोली येथील जितेंद्र पाटील; तर बेस्ट बॉडी मसल म्हणून गुरुकुल व्यायामशाळेच्या प्रसाद सुतार यांची निवड करण्यात आली. ही स्पर्धा चार गटांत घेण्यात आली.

पहिल्या गटात मयेकर जिम कुरूळच्या ऋषिकेश म्हात्रे याने प्रथम क्रमांक मिळविला. दुसऱ्या गटात कोप्रोलीच्या रायगड हेल्मा सेंटरमधील अजित म्हात्रे, तिसऱ्या गटात पायरी बेस्ट अलिबागच्या विशाल बानकर आणि चौथा गटात गुरुकुल व्यायामशाळेचा प्रसाद सुबार हा अव्वल ठरला.