विरार : तारापूर औद्योगिक वसाहतीमधील गंगोत्री हॉटेल समोरच्या मोकळ्या मैदानालगतच्या झाडीत चार दिवसांपासून बेपत्ता असलेल्या युवकाचा मृतदेह आढळून आल्याने बोईसर परिसरात खळबळ उडाली आहे. शिवरत्न रॉय (शिवम) (वय-18) असे मयत युवकाचे नाव आहे. नुकताच तो इयत्ता 10 वीची परीक्षा उत्तीर्ण झाला होता.

मोठी बातमी : ठाण्यातील तीन खासगी रुग्णालयांना दणका, 'या' कारणाने रुग्णालये सील

शनिवार (ता. 22) रात्री 9 वाजताच्या सुमारास अवध नगरमधील रोशन गॅरेज गल्लीतील राहत्या घरात तो मोबाईलमध्ये गेम खेळत होता. दरम्यान, मित्राने बाहेर बोलावल्यानंतर शिवम मोबाईल घरी ठेवून घराबाहेर गेला होता. तेव्हापासून तो घरी परतला नव्हता. याप्रकरणी बोईसर एमआयडीसी पोलिस ठाण्यामध्ये मंगळवारी उशिरा हरवल्याची दाखल करण्यात आली होती.

महत्वाची बातमी : सार्वजनिक मालवाहतूकदारांना दिलासा; राज्यसरकारकडून 700 कोटींची करमाफी

बुधवारी सायंकाळी सातच्या सुमारास तारापूर औद्योगिक वसाहतीमधील गंगोत्री हॉटेल समोरच्या मोकळ्या मैदानालगतच्या झाडीत शिवमचा मृतदेह आढळून आला. बोईसरचे उप विभागीय पोलिस अधिकारी विश्‍वास वळवी घटनास्थळी दाखल झाले आहेत. 

(संपादन : वैभव गाटे)

body of a missing young boy was found in Tarapur colony