मुंबई: मुंबईचे माजी पोलिस आयुक्त परमबीर सिंग आणि गृहमंत्री अनिल देशमुख यांच्यातील वसुली वादाबाबत दाखल केलेल्या जनहित याचिकेवर 30 मार्चला सुनावणी घेण्याचे मुंबई उच्च न्यायालयाने आज निश्चित केले. तर सिंग यांनी मुंबई उच्च न्यायालयात याचिका दाखल करावी, असे निर्देश सर्वोच्च न्यायालयाने दिले आहेत. त्यामुळे सिंग यांना आता उच्च न्यायालयात याचिका करावी लागेल.

सिंग यांनी सर्वोच्च न्यायालयात केलेल्या याचिकेवर आज न्या एस के कौल यांच्या खंडपीठापुढे सुनावणी झाली. तुम्ही मंत्र्यांवर आरोप केले आहेत आणि मंत्र्यांनी तुमच्यावर आरोप केला आहे. हे प्रकरण गंभीर आहे असे आम्ही मानतो, पण तुम्ही आधी उच्च न्यायालयात याचिका का करत नाही, असा प्रश्न खंडपीठाने विचारला. त्यामुळे आता सिंग उच्च न्यायालयात याचिका करावी लागेल. या प्रकरणाची सीबीआय चौकशी करण्याची मागणी सिंग यांनी केली आहे.

मुंबई विभागातल्या ताज्या बातम्या वाचण्यासाठी येथे क्लिक करा.

सिंग यांची आयुक्त पदावरून उचलबांगडी केल्यानंतर देशमुख यांच्यावर खंडणी वसुलीचे आरोप केले आहेत. मनसुख हिरेन मृत्यू प्रकरणात अटकेत असलेल्या सचिन वाझे यांना देशमुख यांनी शंभर कोटी रुपये हॉटेल चालकांकडून वसूल करण्याचे टार्गेट दिले होते, असा आरोप केला आहे. याबाबत देशमुख यांची चौकशी करावी आणि सिंग यांनी आयुक्त पदावर असताना याचा तपास का केला नाही, हे देखील तपासावे अशी मागणी पाटील यांनी उच्च न्यायालयात जनहित याचिकेत केली आहे. सीबीआय, ईडी किंवा अन्य स्वतंत्र यंत्रणेमार्फत हा तपास करावा कारण सरकार कडून निष्पक्ष तपास होणार नाही अशी शक्यता व्यक्त केली आहे. यावर आज न्या एस एस शिंदे आणि न्या मनीष पितळे यांच्या खंडपीठापुढे उल्लेख करण्यात आला.

हेही वाचा- मुंबईकरांनो सावधान, शहरातल्या हवेत प्रदूषित घटक चारपटीनं जास्त

सामाजिक कार्यकर्ते हेमंत पाटील यांनीही न्यायालयात जनहित याचिका केली आहे. याप्रकरणी स्वतंत्र चौकशी करण्याची मागणी केली आहे. वाझे अटकेत असून उद्या पर्यंत त्यांचा ताबा एनआयएकडे आहे.

---------------------------------

(संपादन- पूजा विचारे)

Bombay High Court March 30 hearing petitions Parambir Singh Anil Deshmukh