मुंबई : सांताक्रूझ येथील एका इमारतीच्या सहाव्या मजल्यावर मंगळवारी दुपारी आग लागली. या आगीत 65 वर्षीय नितेश जोशी या वृद्धाचा मृत्यू झाला असून एका व्यक्तीवर रुग्णालयात उपचार सुरू आहेत.

सांताक्रूझ पश्चिमेकडील पोद्दार शाळेसमोर, हरिप्रीत नावाच्या सात माळी इमारतीत दुपारच्या चारच्या सुमारास ही घटना घडली. आगेची माहिती मिळताच अग्नी शमन दल त्वरित घटनास्थळी दाखल झाले.

आग एका निवासी इमारतीच्या सहाव्या मजल्यापर्यंत मर्यादित होती. त्यामुळे पूर्ण इमारतीत पसरली नाही. सहाव्या मजल्यावरून अग्नीशमन दलाने दोन जणांना वाचवले.

जखमींना रुग्णवाहिकेतून कूपर रुग्णालयात पाठवण्यात आले. त्यापैकी एक नितेश जोशी नावाच्या 65 वर्षीय वृद्धाला वैद्यकीय अधिकाऱ्यांनी मृत घोषित केले. इतर रुग्णांना उपचारानंतर घरी सोडण्यात आले आहे.