मुंबई : देशात सर्वत्र लॉकडाऊन असल्यामुळे बंद असलेली दुकाने फोडली जात असल्याच्या अनेक बातम्या आपण ऐकल्या असतीलच. त्यातही दारू, सिगारेट, तंबाखू तल्लफ भागवण्यासाठीच मोठ्या प्रमाणात चोऱ्या झाल्याचे बातम्यांमधून समोर आले आहे. आता तर चोरट्यांनी हद्दच पार केली आहे. मुंबईतील एका दुकानातून चक्क बटरच्या पाकिटांची चोरी झाली असल्याची तक्रार पोलिसांकडे करण्यात आली आहे. 

मोठी बातमी ः मुंबईतील कोरोनामुळे होणाऱ्या मृत्यूंमागील नेमके कारण काय?

पोलिसांकडे आलेल्या दुकान फोडीच्या तक्रारीनुसार, आतापर्यंत दहा हजार किंमतीच्या सिगारेट, आठ हजारांची व्हिस्की, जवळपास दोन हजार रुपयांची बिअर, पाच हजारांची तंबाखू, चार हजार रुपये किंमतीच्या विडीच्या बंडलांची चोरी झाल्याची नोंद झाली आहे. त्यापाठोपाठ आता सुमारे अडीच हजार रुपयांचे बटरही चोरीला गेल्याने आश्चर्य व्यक्त केले जात आहे. सर्वात धक्कादायक म्हणजे या सर्व घटना मुंबईच्या वेगवेगळ्या भागात केवळ 24 तासात घडल्या आहे. 

महत्वाची बातमी ः 'कोरोना'बाधिताना किती फायद्याची आहे 'हाइड्रॉक्सीक्लोरोक्वीन'ची गोळी ? डॉक्टर म्हणतायत...

लॉकडाऊनमुळे जीवनावश्यक वस्तू सोडून अन्य दुकाने बंद आहेत. बोरीवली पूर्व येथील गोराई रोड वरील दुकानदाराने केलेल्या तक्रारीनुसार, आपले दुकान फोडून बटरची 50 पाकिटे चोरली असल्याचे म्हटले आहे. दुकानदाराने सांगितले की आपल्या दुकानातून केवळ बटरच चोरीला गेले आहे, इतर साहित्याला चोरट्यांनी हात सुद्धा लावले नसल्याचे सांगितले आहे. आपण सकाळी दुकान उघडायला गेलो, त्यावेळी आपल्याला ही चोरी झाल्याचे दिसले. 

हे वाचा ः हॉटस्पॉटचे निकष बदलले; कोणते आहेत मुंबईतील कोरोना हॉटस्पॉट

चेंबूर येथील मद्यविक्रीच्या दुकानातून व्हिस्की तसेच बिअरची चोरी करताना चोरट्यांनी दुकानातील पाच हजार रुपये रोख सुद्धा लांबवले आहे. आपले दुकान 20 मार्चपासून बंद आहे. शेजारच्या दुकान मालकाने आपल्याला शटर उघडे असल्याचे सांगितले. उत्पादन शुल्क विभागाच्या अधिकाऱ्यांना याबाबतची माहिती देऊन दुकान उघडले. त्यावेळी दुकानात ठेवलेले बॉक्स तसेच पैसे चोरीस झाल्याचे कळले. टिळक नगर पोलिसांकडेच सिगारेटची पाकिटे, तंबाखू तसेच दोन विडी बंडलाची चोरी झाली असल्याची तक्रार दाखल करण्यात आली. 

मोठी बातमी ः धक्कादायक! नायर रुग्णालयात कोरोनाबाधित महिलेची आत्महत्या

खरंतर एप्रिलमध्ये घरफोडींच्या तक्रारीचे प्रमाण जास्त असते. या कालावधीत अनेकजण बाहेरगावी फिरायला जातात.  त्याचा फायदा होऊन हे घडत असते, पण सध्या लॉकडाऊनमुळे प्रत्येकजण घरात आहे, त्यामुळे घरफोडीचे प्रमाण खूपच कमी आले. पोलिस रस्त्यांवर असल्यामुळे रस्त्यावरील गुन्ह्याचे प्रमाणही कमी झाले आहे. त्यामुळे चोरट्यांनी आता बंद असलेल्या दुकानांना लक्ष्य करण्यास सुरुवात केली आहे.