मुंबई - २०१५ साली गाजलेल्या शीना बोरा हत्याकांडावर आधारित 'द इंद्राणी मुखर्जी स्टोरी बरीड ट्रुथ' हा माहितीपट नेटफ्लिक्स वर २३ फेब्रुवारी रोजी प्रदर्शित होणार आहे. या हत्याकांडातील मुख्य आरोप इंद्राणी मुखर्जी हिची माहिती व हत्येच्या तपासाचा उलगडा या महितीपटात दाखवण्यात येणार असून सीबीआयने या महितीपटालाच आक्षेप घेतला आहे.
माहितीपट प्रदर्शित करू नका अशी मागणी सीबीआयने केली असून न्यायालयात तशी याचिका दाखल करण्यात आली आहे.
डॉक्युमेंटरीला स्थगिती देण्यात यावी अशी मागणी करत सीबीआयने केलेल्या अर्जावर विशेष कोर्टाचे न्या. एस पी नाईक निंबाळकर यांच्या समोर आज (ता.१७) सुनावणी झाली. सरकारी वकील सी जे नांदोडे यांनी युक्तिवाद करताना न्यायालयाला सांगितले की, या प्रकरणातील आरोपींवर असलेला खटला पूर्ण होत नाही तोपर्यंत माहिती पटाच्या प्रदर्शनावर स्थगिती आणावी.
न्यायालयाने याची गंभीर दखल घेत नेटफ्लिक्स सह इतर प्रतिवाद्यांना नोटीस बजावत भूमिका स्पष्ट करण्यास सांगितले व या प्रकरणावरील सुनावणी २० फेब्रुवारी पर्यंत तहकूब केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.