स्मशानभूमी कामगार संसर्गामुळे हादरले; सुरक्षा रक्षक आणि मृत्यू नोंदणी करणाऱ्यांमध्ये दहशत
मुंबई : स्मशानभूमीत अंत्यसंस्कार करणारे कामगार, सुरक्षा रक्षक, मृत्यू नोंदणी करणारे कारकून असे सर्वच कामगार कोरोना संसर्गाच्या भीतीने हादरले आहेत. कोरोनाबाधित सुरक्षा रक्षकांचे प्रमाण वाढत आहे. मनुष्यबळ कमी असल्यामुळे महापालिका मुख्यालयातील सुरक्षा रक्षकांना कोरोनाग्रस्तांच्या मृतदेहांवर अंत्यसंस्कार होणाऱ्या चंदनवाडी स्मशानभूमीत पाठवले जात आहे.
अंत्यसंस्कारांसाठी येणारे कोरोनाग्रस्तांचे मृतदेह वाढल्यामुळे स्मशानभूमीत कामगार, सुरक्षा रक्षक आणि मृत्यू नोंदणी करणारे कारकून दहशतीखाली आहेत. मुंबईत कोरोनाचा प्रादुर्भाव वाढत असून, रुग्णांचा आकडा 35 हजारांवर, तर मृतांचा आकडा हजारावर गेला आहे. कोरोनाच्या रुग्णांवर महापालिका व खासगी रुग्णालयांत उपचार सुरू आहेत. रुग्णांची दिवसरात्र काळजी घेणाऱ्या अत्यावश्यक सेवेतील कर्मचारी मोठ्या प्रमाणात कोरोनाच्या विळख्यात सापडत आहेत.
महापालिकेच्या मुख्यालयात 100 शस्त्रधारी व बिगर शस्रधारी सुरक्षा रक्षक तैनात असतात. कोरोनाचा प्रादुर्भाव वाढू लागल्यावर मुख्यालयातील सुरक्षा रक्षकांना कस्तुरबा रुग्णालयात कर्तव्यावर पाठवण्यात येत होते. आता या सुरक्षा रक्षकांना चंदनवाडी स्मशानभूमीत सुरक्षेसाठी पाठवले जात आहे. महापालिकेचे सुमारे 60 सुरक्षा रक्षक कोरोना पॉझिटिव्ह आले आहेत. त्यापैकी 15 ते 17 सुरक्षा रक्षक महापालिका मुख्यालयातील आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.