मुंबई : हॉलमार्किंग व एचयुआयडीच्या (hallmarking and HUID) सक्तीमुळे दागिने व्यावसायिकांची (gold traders) अडचण होत असल्याप्रकरणी केंद्रीय ग्राहकव्यवहार खात्याचे मंत्री पियूष गोयल (Piyush Goyal) लवकरच पुन्हा व्यावसायिक व संबंधित सरकारी अधिकाऱ्यांची (government meeting) बैठक घेणार आहेत. (central minister piyush goyal on hallmarking and huid compulsion of gold-nss91)

या विषयावर दागिने व्यावसायिकांच्या संघटनांच्या पदाधिकाऱ्यांनी नुकतीच केंद्रीय संरक्षणमंत्री राजनाथ सिंह यांची भेट घेऊन त्यांच्यासमोर या अडचणी मांडल्या. त्यावेळी सिंह यांनी यासंदर्भात गोयल यांच्याशी संपर्क साधून त्यांना याविषयावर सर्व संबंधितांची बैठक घेण्यास सांगितले. त्यानुसार लवकरच ही बैठक होईल, अशी माहिती ऑल इंडिया जेम्स अँड ज्वेलरी डोमेस्टिक कौन्सिलतर्फे देण्यात आली आहे.

भारतात दरवर्षी नऊशे टन सोने वा दागिने आयात होत असून ही उलाढाल साडेचार लाखकोटी रुपये आहे. आधीचे पाच कोटी रुपयांचे दागिने व नवे बारा कोटी रुपयांचे दागिने हॉलमार्किंगसाठी रांगेत आहेत. हे काम होण्यास किमान एक वर्ष लागेल असा अंदाज आहे. त्यामुळे सणासुदीच्या दिवसात व्यावसायिकांची अडचण होईल, असे कौन्सिलचे संचालक दिनेश जैन म्हणाले. आता दागिन्यांवर हॉलमार्किंग बरोबरच हॉलमार्किंग यूआयडी क्रमांकही सक्तीचा करण्यात आला आहे. त्यामुळे ब्युरो ऑफ इंडियन स्टँडर्ड च्या अधिकाऱ्यांचे लायसन्स राज पुन्हा सुरु होईल अशीही व्यावसायिकांना भीती आहे. या दोनही बाबींच्या अंमलबजावणी संदर्भात कौन्सिलने दिलेल्या कार्यपद्धतीचे पालन ब्युरो करेल अशी अपेक्षाही कौन्सिलने व्यक्त केली आहे.