उरण : चिर्ले (chirle) येथे मासे पकडण्यासाठी (fishing) तलावात लावलेल्या जाळ्यात अडकलेल्या १० फुटी अजगराची (python) चिर्ले येथील निसर्गमित्र आनंद मढवी (aanand Madhavi) व त्यांच्या रेस्क्यू टीमने (rescue team) सुटका केली. त्यानंतर त्याला चिर्ले येथील कानोबा जंगलात (kanoba forest) सोडून दिले. चिर्ले येथील उत्तम घरत यांच्या चाळीच्या बाजूलाच तलाव आहे. त्या तलावात मासे पकडण्यासाठी जाळ लावले होते.

या जाळ्यात माशांसोबत अन्नाच्या शोधात आलेला १० फूट लांबीचा इंडियन रॉक पायथॉन या नावाचा अजगर अडकला होता. ही माहिती उत्तम घरत यांनी सर्पमित्र आनंद मढवी यांना दिली. मढवी यांनी टीमसोबत घटनास्थळी दाखल होत जाळ्यामध्ये अडकलेल्या अजगराला कोणतीही इजा न करता सुरक्षित मुक्त केले. त्यानंतर लगेचच वनक्षेत्रपाल संतोष इंगोले, आर. एस. पवार, आशा वाले, हरिदास करांडे यांच्या उपस्थितीत १० फुटी अजगराला कानोबा जंगलात सोडून दिले. या वेळी आनंद मढवीसह विनीत मढवी, पंकज घरत, सुमित मढवी, मयूर मढवी, बंटी शेळके, शुभम मढवी, दिलीप मढवी, पीयूष लोंगले, नितीन मढवी उपस्थित होते.