मुंबई : सध्या महाराष्ट्राचे राजकरण ढवळून निघालेले असताना, आज पुन्हा एकदा राजकीय भूकंप झाला आहे. आज (ता. 23) सकाळी देवेंद्र फडणवीसांनी मुख्यमंत्रीपदाची तर राष्ट्रवादीचे नेते अजित पवार यांनी उपमुख्यमंत्रीपदाची शपथ घेतली. यानंतर राजकारणात खळबळ उडाली. मात्र, दुसऱ्यांदा मुख्यमंत्री झालेल्या फडणवीसांच्या पत्नी अमृता फडणवीस यांनी त्यांना व अजित पवारांना शुभेच्छा दिल्या आहेत.

'सकाळ'चे मोबाईल ऍप डाऊनलोड करा

'खूप दिवस महाराष्ट्र ज्या दिवसाची वाट पाहात होता, आज तो दिवस, आला आहे. आज शपथविधी झाला. महाराष्ट्राला स्थिर सरकार मिळाले आहे
आणि आता महाराष्ट्र प्रगतीच्या वाटेवर नक्की पुढे जाईल.' अशा शुभेच्छा पत्नी अमृता फडणवीसव यांनी दिल्या आहेत. त्यांनी ट्विटवरूनही
फडणवीस व अजित पवारांना 'तुम्ही करून दाखवलं, शुभेच्छा!' अशा शुभेच्छा दिल्या आहेत. 

राजभवनात आज (शनिवार) राज्यपाल भगतसिंग कोशियारी यांनी फडणवीस आणि अजित पवार यांनी शपथ घेतली. राष्ट्रवादी आणि भाजप हे दोन पक्ष एकत्र आल्याचे यावरून तरी दिसत आहे. यावेळी पार्थ पवार, सुनेत्रा पवार राजभवनात उपस्थित होत्या.

महाराष्ट्राच्या राजकारणात भूकंप; देवेंद्र फडणवीस मुख्यमंत्री, अजित पवार उपमुख्यमंत्री

फडणवीस म्हणाले, की जनादेश आम्हाला महायुती म्हणून मिळाले होते. आम्ही एकमेकांना काय वचन दिले हे पाहण्यापेक्षा जनतेला दिलेले वचन महत्त्वाचे आहे. आमच्यासोबत येण्यापेक्षा दुसऱ्यासोबत जाणार असल्याने आम्हाला हा निर्णय घेतला. मी मोदी, अमित शहा यांचे आभार मानतो.