मुंबई : महागाईच्या झळा सोसणाऱ्या सामान्य मुंबईकरांना पुन्हा एकदा झटका बसणार आहे. महानगर गॅस लिमिटेडने CNG इंधन दरात पुन्हा एकदा वाढ करण्याचा निर्णय घेतला आहे. सीएनजीच्या दरात चार रुपयांची तर पीएनजीच्या दरात 3 रुपयांची वाढ करण्यात आली आहे. त्यामुळे सीएनजी 80 प्रति किलो तर 48.50 रुपये होणार आहे. वाढलेले नवीन दर हे आज मध्यरात्रीपासून लागू करण्यात येणार आहेत. CNG-PNG Price Hike

महानगर गॅस लिमिटेडने यासंबंधी एक पत्रक जारी करत माहीती दिली आहे. कंपनीने सांगितले आहे की, देशांतर्गत गॅसच्या वाढलेल्या किमतींमुळे एमजीए(MGA) च्या उत्पादन किमतीवर होत असून, त्यामुळे सीएनजी आणि पीएनजीच्या किमतीमध्ये वाढ करण्याचा निर्णय घेण्यात आला आहे.

काही दिवसांपूर्वी घरगुती LPG सिलिंडरच्या दरात 50 रुपयांनी वाढ करण्यात आली होती. त्यामुळे सिलेंडरची किंमत ही 1 हजार 53 रुपये इतकी झाली आहे. दरम्यान आता सीएनजीच्या किमतीत चार रुपये तर पीएनजीच्या किमतीत तीन रुपयांची वाढ करण्यात आली आहे. या आधी मुंबईमध्ये सीएनजीचे दर 29 एप्रिलमध्ये वाढलेले होते. त्यावेळी चार रुपयांनी सीएनजीच्या दरात वाढ करण्यात आली होती. त्यानंतर आज पुन्हा त्यामध्ये वाढ करण्यात आली आहे.