मुंबई : शिवसेना खासदार गजानन किर्तीकर यांनी अखेर उद्धव ठाकरे गटाला ‘जय महाराष्ट्र’ करत शिंदे गटात सहभागी झाले आहे. त्यामुळे काँग्रेसने त्यांच्या विरोधात बुधवारी तीव्र आंदोलन केले. मतदारसंघात सलग साडेतीन वर्षे किर्तीकर गायब असून त्यांनी राजीनामा द्यावा, यासाठी आंदोलन करण्याच्या तयारीत काँग्रेस कार्यकर्ते होते. माजी खासदार संजय निरुपम यांच्या नेतृत्वाखाली मोटारसायकल फेरीचे आयोजन केले होते. मात्र त्याआधीच पोलिसांनी निरुपम यांना ताब्यात घेत पोलिस ठाण्यात नेले.
यामुळे काँग्रेस कार्यकर्ते संतप्त झाले. त्यांनी पोलिस ठाण्यासमोरच आंदोलन केले. काही तास निरुपम यांना ताब्यात घेत पुन्हा सोडले. निरुपम यांनी किर्तीकर यांच्यासह मुख्यमंत्री व उपमुख्यमंत्री यांच्यावर जोरदार टीका केली. आंदोलन सुरू होण्याअगोदरच घरात येऊन ताब्यात घेणे हे बेकायदा असून पोलिस सरकारच्या दबावाखाली लोकशाहीचा आवाज दाबत असल्याची टीका त्यांनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.