मुंबई : कर्नाटक परिवहन महामंडळाच्या सॅनिटायझर बसची छायाचित्रे आणि व्हिडीओ व्हायरल झाल्यानंतर महाराष्ट्र एसटी महामंडळाच्या कामगारांनी अशी वाहने तयार करण्याचा सपाटा लावला आहे. परंतु, निर्जंतुकीकरण बसला व्यवस्थापकीय संचालकांनी अद्याप मान्यता दिलेलीच नाही.
कुर्ला, औरंगबाद, नागपूर, दापोली, ठाणे, लातूर येथील एसटी कार्यशाळांमध्ये आतापर्यंत एक-दोन सॅनिटायझर बस बांधण्यात आल्या आहेत. बसमधील आसने काढून जंतूनाशक रसायनाचे मिश्रण, मोटर आणि स्प्रिंकलर यंत्रणा बसवण्यात आली आहे. परंतु, या तंत्राचा फायदा होत नसल्याचे एका अधिकाऱ्यानेच सांगितले. फवारणीसाठी वापरले जाणारे रसायन प्रमाणित नसल्यामुळे एसटी कामगारांच्या आरोग्यासाठी धोकादायक ठरण्याचीही शक्यता आहे.
एसटी आगारांतील कामगार उत्स्फूर्तपणे सॅनिटायझर बस तयार करत आहेत. त्याबाबत कोणतीही माहिती नसल्याचे महामंडळाचे प्रभारी व्यवस्थापकीय संचालक शेखर चन्ने यांनी सांगितले. त्यामुळे कोणाच्या आदेशावरून हे काम केले जात आहे, याचा उलगडा झालेला नाही. मान्यता नसूनही अशा निर्जंतुकीकरण वाहनांची निर्मिती सुरूच आहे. दरम्यान, टाकाऊ वस्तूंपासून "जुगाड' करून एसटी कामगारांनी बांधलेल्या या सॅनिटायझर बस वापरायच्या कुठे, असा प्रश्न उपस्थित झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.