नवी मुंबई : शहरात एकाच दिवशी कोरोनाचे 11 रुग्ण सापडल्यामुळे परिसरात खळबळ उडाली आहे. बेलापूर गावात एकाच कुटुंबातील तब्बल 6 जणांना कोरोनाची लागण झाल्याचे निष्पन्न झाले आहे. या कोरोनाच्या नव्या रुग्णांमुळे आता नवी मुंबईत कोरोनाग्रस्तांची संख्या 50 वर पोहचली आहे.
दोन दिवसांपूर्वी बेलापूर गावातील एका 55 वर्षीय इसमाचा मृत्यू झाला होता. त्याच कुटुंबातील इतर सदस्यांचे नमुने चाचणीसाठी पाठवण्यात आले होते. या चाचणीचा अहवाल सोमवारी (ता.13) मिळाल्यानंतर त्यात सहा जणांना कोरोनाची लागण झाल्याचे निष्पन्न झाले आहे. या सहा जणांमध्ये तीन महिला आणि तीन पुरुषांचा समावेश आहे. दोन दिवसांपूर्वी वाशी सेक्टर 9 मधील एका 75 वर्षीय ज्येष्ठ नागरिकाला कोरोनाची लागण झाली होती. याच कुटुंबातील वृद्धाची सून आणि मुलगा या दोघांनाही कोरोनाची लागण झाली आहे. नेरुळ सेक्टर 28 मध्ये एका महाविद्यालयीन विद्यार्थ्यांनीलाही कोरोनाची लागण झाली आहे. ती काही दिवसांपूर्वी राजस्थानहुन नवी मुंबईत परतली आहे. कोपरखैरणे सेक्टर 2 मधील एका व्यक्तीला कोरोनाची लागण झाली आहे. रविवारी नेरुळ सेक्टर 23 मध्ये एका 68 वर्षीय व्यक्तीचा मृत्यू झाला होता. आता त्याच्या पत्नीलाही कोरोनाची लागण झाली आहे. त्यामुळे आज दिवसभरात सापडलेल्या 11 रुग्णांमुळे नवी मुंबईत कोरोनाबधित रुग्णांची संख्या 50 झाली आहे.
CORONA CASESE RISE IN NAVI MUMBAI
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.