मिरा रोड: मिरा भाईंदरमध्ये आतापर्यंत 8 जणांना करोनाची लागण झाली आहे. या पार्श्‍वभूमीवर ठाणे जिल्हा पालकमंत्री एकनाथ शिंदे यांनी आज आयुक्तांसोबत बैठक घेऊन परिस्थितीचा आढावा घेतला. 

मुंबईतील महत्वाच्या बातम्या वाचण्यासाठी येथे क्लिक करा

पालिका आयुक्त चंद्रकांत डांगे यांनी सांगितले की, भाईंदर (पूर्व) एस.व्ही.रोड येथील 56 वर्षीय महिलेला आणि पश्‍चिमेकडील नारायण नगर येथील 60 वर्षीय महिलेला कोरोनाची बाधा झाली आहे. मिरा भाईंदरमध्ये 492 नागरिकांना अलगीकरण कक्षात ठेवण्यात आहे. तसेच 419 नागरिकांना घरातच अलगीकरण करण्यात आले आहे. रोज या नागरिकांची तपासणी करण्यात येत आहे. आतापर्यंत 69 स्वॅब तपासण्यांमध्ये 8 रुग्ण हे पॉझिटिव्ह असल्याचे स्पष्ट झाले आहे. तर 34 निगेटिव्ह असून 27 जणांचा रिपोर्ट अद्याप आलेला नाही.दरम्यान पोलिसांनी रुग्ण वास्तव्य करीत असलेल्या इमारतीकडे जाणारे रस्ते बंद केले असून पुढील आदेश येईपर्यंत कोणालाही घराबाहेर न पडण्याबाबत सांगण्यात आले आहे. 

या पार्श्‍वभूमीवर एकनाथ शिंदे यांनी आज आयुक्तांसोबत बैठक घेऊन परिस्थितीचा आढावा घेतला. तसेच काही उपाययोजना सुचवल्या आहेत.

Corona infection inflicts 8 lives in Mira Bhayander