मुंबई : कोरोनापासून नागरिकांचे संरक्षण करण्यासाठी पोलिस रात्रंदिवस कर्तव्य बजावित  असतानाच गेल्या 24 तासांत राज्यात तीन पोलिसांचा कोरोनामुळे मृत्यू झाला आहे.त्यामुळे कोरोनामुळे राज्यातील मृत पोलिसांचा आकडा 93 वर पोहोचला आहे. राज्यात आतापर्यंत आठ हजार 232 पोलिसांना कोरोनाची लागण झाली आहे. यात मुंबई पोलिसांचे प्रमाण सर्वाधिक आहे. कोरोनाबाधीत पोलिसांमध्ये 861 पोलिस अधिकाऱ्यांचा समावेश आहे.

ही तर उच्च शिक्षणाच्या गुणवत्तेला हानी; युजीसीकडून न्यायालयात निर्णयाचे समर्थन!

महाराष्ट्र पोलिस दलातील 1825 पोलिस सध्या कोरोनावर उपचार घेत आहेत. त्यात 214 अधिकारी आणि 1611 पोलिस कर्मचाऱ्यांचा समावेश आहे. राज्य पोलिस दलातील  आतापर्यंत राज्यातील सहा हजार 314 पोलिसांनी कोरोनावर मात केलेली आहे.  कोरोनामुळे आतापर्यत राज्यात 93 पोलिसांचा मृत्यू झाला आहे. त्यात मुंबई, ठाणे व सातारा येथील पोलिसांचा समावेश आहे. त्यांचे वय 50 वर्षांपेक्षा अधिक होते.

परवानाधारी कत्तलखान्यांमध्येच बोकड कटाई केली जाईल याची खातरजमा करावी - हायकोर्ट

कोरोनाची लागण झालेल्या पोलिसांमध्ये मुंबई पोलिसांचे प्रमाणा सर्वाधिक म्हणजे 3600 आहे. त्याच्यापाठोपाठ ठाण्यात सर्वाधीत पोलिसांना कोरोनाची लागण झाली आहे.  मुंबई पोलिस दलात 24 जुलै ते 29 जुलै या कालावधीत मुंबई प्रादेशिकविभागातील परिमंडळानुसार  ‘रॅपिड अँटीजेन डिटेक्शन  टेस्ट’ची  टेस्ट केली जाणार आहे. या संपूर्ण प्रक्रियेत विभागीय सहाय्यक पोलिस आयुक्त यांची भूमिका ही संपर्क अधिकारी म्हणून महत्वाची राहणार आहे.

मुंबईतील 'रेल्वे सेवा' कधी सुरु होणार? आता मुख्यमंत्र्यांनीच दिलं उत्तर...

वेळापत्रकानुसार विभागातील एकापोलिस ठाण्याच्या ठिकाणी हे शिबीर आयोजित केले जाणार आहे. या शिबीरात फक्त45 ते 55वयोगटातील पोलिसांची टेस्ट केली जाणार असून त्यात कुणी पॉझिटिव्ह आढळला. तर त्याला तातडीने पालिका किंवा शासकिय रुग्णालयात उपचारासाठी किंवा क्वारनटाइंन सेंटरमध्ये हलवले जाणार आहे. प्रत्येक पोलिस ठाण्यातील कर्मचाऱ्यांची चाचणी करून घेण्याचे काम हे संबधित वरिष्ठ पोलिस निरीक्षकावर सोपवण्यात आले आहे.

=========================

Edited by Tushar Sonawane