मुंबई : कुरार पोलिस ठाण्यातील 39 वर्षीय उपनिरीक्षकाला कोरोना झाल्याचा अहवाल रविवारी मिळाला. त्याच्या संपर्कात आलेल्या तीन अधिकाऱ्यांमध्ये कोरोनाची लक्षणे आढळली नसली, तरी खबरदारीचा उपाय म्हणून त्यांची चाचणी करण्यात येणार आहे.
कुरार पोलिस ठाण्यातील या उपनिरीक्षकाला मागील आठवड्यात ताप व खोकल्याचा त्रास सुरू झाला. त्यानंतर खासगी प्रयोगशाळेत त्याची कोरोना चाचणी करण्यात आली. चाचणीचा अहवाल पॉझिटिव्ह आल्यामुळे या पोलिस अधिकाऱ्याला भाभा रुग्णालयातील विलगीकरण कक्षात ठेवण्यात आले आहे. बोरिवलीतील योगी नगर येथे राहणाऱ्या या अधिकाऱ्याने मागील आठवड्यातच पत्नी व मुलाला गावी पाठवले होते. सध्या तो घरात एकटाच राहत होता.
महापालिका अधिकाऱ्यांनी सोमवारी त्याचे वास्तव्य असलेली इमारत सील करून परिसरात जंतुनाशक फवारणी केली. इमारतीमधील इतर रहिवाशांमध्ये कोरोनासदृश लक्षणे आहेत का, याची पाहणी करण्यात आली. त्याला कोरोनाची लागण कशामुळे झाली याची माहिती घेण्याचे काम सुरू आहे. कुरार परिसरातील पठाणवाडी व मालाडमधील जैन मंदिर येथे दोन "कंटेन्मेंट झोन' आहेत. तेथे त्याला पाठवण्यात आले होते का, याबाबत माहिती घेतली जात आहे.
कुरार पोलिस ठाण्यातही जंतुनाशक फवारणी करण्यात आली आहे. या अधिकाऱ्याच्या संपर्कात असलेल्या तीन पोलिसांची कोरोना चाचणी करण्यात येणार आहे. त्यांच्यात कोणतीही लक्षणे आढळलेली नाहीत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.