डोंबिवली : बकरी ईदच्या पार्श्वभूमीवर टिटवाळ्यात मोठ्या प्रमाणात गो तस्करांकडून गोवंशाची तस्करी सुरू असल्याची बाब टिटवाळा पोलिसांनी उघडकीस आणली आहे. टिटवाळा परिसरातील राये गावात निर्जन परिसरातील अनधिकृत व अर्धवट बांधलेल्या चाळी असून या चाळींच्या खोल्यात गायींना डांबून ठेवण्यात आले होते. पोलिसांनी डांबून ठेवलेल्या 46 गाईची सुटका करत गुन्हा दाखल केला आहे.

ठाणे जिल्ह्यातील गोवंश तस्करीच्या घटना दिवसेंदिवस वाढतच चालल्या होत्या. त्यात काही दिवसांपूर्वी शहापूर,मुरबाड,कल्याण तालुक्यातील अनेक गोवंश चोरी करून त्यांची तस्करी होत असल्याने ठाणे ग्रामीणचे पोलीस अधीक्षक विक्रम देशमाने यांनी गोवंश तस्करांविरोधी कठोर कारवाई करून कायमस्वरूपी उपाययोजना करण्याची योजना आखली.

त्यानंतर पोलिसांनी शहापूर, कल्याण, मुरबाड, पडघा अशा विविध ठिकाणी धडक कारवाई करत गोवंश तस्करांचे धाबे आवळले आहेत. या कारवाई दरम्यानच टिटवाळा पोलिसांनी खडवली जवळ असलेल्या राये गावात मोठी कारवाई करत कत्तली साठी डांबून ठेवण्यात आलेल्या गाईंची गोवंश तस्करांकडून सुटका केली.

त्यात तब्बल 46 च्या आसपास गाय व बैलांचा समावेश असून हे सर्व गाई बकरी ईदच्या पार्श्वभूमीवर खडवलीतील राये गावात निर्जन परिसरातील अनधिकृत व अर्धवट बांधलेल्या अनेक चाळीच्या खोल्यात डांबून ठेऊन 28 तारखेला बकरी ईद च्या दरम्यान या सर्व गाईची कत्तल करू मोठ्या प्रमाणात यायचं मास महाराष्ट्राच्या विविध ठिकाणी नेणार असल्याची माहिती पोलीस सूत्रांनी दिली आहे .

तर ही कारवाई मुरबाड उपविभागीय अधिकारी जगदीश शिंदे,मुरबाड तालुका पोलीस स्टेशनचे पोलीस निरीक्षक प्रसाद पांढरे,कुळगांव पोलीस स्टेशनचे सहाय्यक पोलीस निरीक्षक भोई,कल्याण तालुका पोलीस स्टेशनचे पोलीस निरीक्षक जितेंद्र ठाकूर व टिटवाळा पोलिस स्टेशनचे 25 ते 30 पोलीस कर्मचाऱ्यांनी बजरंग दल च्या मदतीने ही कारवाई यशस्वीपणे करत गुन्हा दाखल केला असून पुढील तपास आता पोलीस करत आहे