Lataest Palghar News : डहाणू तालुक्यातील धरमपूर गावात शेतात काम करणाऱ्या दोन महिलांना विज कोसळून जखमी झाल्याची घटना घडली. यामध्ये वंदना संजय भगत (वय २६) रा. धरमपूर भगत पाडा आणि ज्योती पराड(वय २७), रा. खानिव या दोन्ही महिला गंभीर जखमी झाल्या.

शेतात कापलेले भात गोळा करत असताना सोमवारी सायंकाळी साडेपाच वाजण्याच्या सुमापास अचानक वीज कोसळली. या वीजेच्या धक्क्याने या दोघी घंभीर जखमी झाल्या. ग्रामस्थांनी त्यांना तत्काळ कासा उपजिल्हा रुग्णालयात दाखल केले. याठिकाणी प्राथमिक उपचारानंतर त्यांना पुढील उपचारासाठी धुंदलवाडी येथील खासगी रुग्णालयात पाठवण्यात आले. वैद्यकीय अधिकारी डॉ. वाघमारे यांनी सांगितले की, विजेच्या धक्क्यामुळे महिलांचा रक्तदाब खूप वाढला असून त्यांच्यावर योग्य उपचार केले जात आहेत.