अलिबाग : तालुक्‍यातील कनकेश्वर फाटा येथील अल्पवयीन मुलगी बेपत्ता झाली होती. अलिबाग पोलिस ठाण्यातील दामिनी पथक आणि अंमलदारांच्या सतर्कतेमुळे ती अवघ्या काही तासांत सापडली. तिला आईकडे सुखरूप देण्यात आले. त्यामुळे आईच्या डोळ्यांत आनंदाश्रू तरळले. 

यशवंत जाधवांच्या ऑडिओ क्लिपवरुन मुंबई पालिकेत भाजप- शिवसेना सदस्यांचा राडा

कनकेश्वर फाटा येथील एका महिलेने मंगळवारी दुपारी त्यांची 16 वर्षांची मुलगी बेपत्ता झाल्याची तक्रार अलिबाग पोलिस ठाण्यात नाईक रूपेश निगडे यांच्याकडे केली होती. घटनेचे गांभीर्य ओळखून निगडे यांनी पोलिस निरीक्षक कोल्हे यांच्या मार्गदर्शनानुसार दामिनी पथकातील सोनम कांबळे, हवालदार राकेश काळे आणि वाहनचालक उदय सावंत हे बेपत्ता मुलीच्या शोधासाठी रवाना झाले. याचदरम्यान गुंजीस फाटा येथील तळ्याजवळ वर्णनानुसार एक मुलगी उभी असल्याचे पथकाला दिसून आले.

Father Of Indian Navy |...म्हणून छत्रपती शिवाजी महाराज आहेत भारतीय नौदलाचे जनक!

दामिनी पथकातील कांबळे यांनी तिला विश्वासात घेऊन तिची विचारपूस केली. तिचे वडील तिच्यावर रागावल्याने सकाळपासून ती घरातून बाहेर निघून गेल्याचे सांगितले. त्या मुलीचे मन परिवर्तन करून पोलिसांनी तिची आई व मामा यांच्या ताब्यात तिला सुखरूप परत केले. 
Daughter left home due to fathers angry damini group found her in

----------------------------------------------------------------

( संपादन - तुषार सोनवणे )