मुंबई: चेंबूर परिसरात प्लास्टीकच्या ताडपत्रीमध्ये महिलेचा मृतदेह सापडल्यामुळे (dead body of women) एकच खळबळ उडाली आहे. याप्रकरणी गोवंडी पोलिसांनी हत्येचे गुन्हा दाखल केला असून अधिक तपास सुरू असल्याचे पोलिसांनी सांगितले. मृत महिलेची ओळख अद्याप पटलेली नाही. (dead body of women found in chembur area)

चेंबूर येथील अन्वर कंपाउंड गोडाऊन कम वर्कशॉप परिसरात हा मृतदेह सापडला. पुरावा नष्ट करण्यासाठी प्लास्टीकच्या ताडपत्रीमध्ये गुंडाळून जुन्या झालेल्या वापरात नसलेल्या कंटेनरशेडमध्ये हा मृतदेह लपवून ठेवला होता. याप्रकरणी नरेश राठोड(49) यांच्या तक्रारीवरून पोलिसांनी हत्या व पुरावा नष्ट केल्याप्रकरणी गुन्हा दाखल केला आहे.

महिलेची ओळख पटलेली नसल्यामुळे सध्या तिची ओळख पटवण्याच्या दृष्टीने प्रयत्न सुरू आहेत. त्यासाठी परिसरातील पोलिस ठाणी व बेपत्ता नागरीकांबाबतची माहिती घेतली जात आहे. तसेच मृतदेहाचे छायाचित्र सर्व पोलिस ठाण्यांना पाठवण्यात आले आहे. गुन्हे शाखाही याप्रकरणी समांतर तपास करत आहे.