मुंबई- कल्याण रेल्वे स्थानकात मोठा अपघात झाला आहे. डेक्कन क्विन एक्स्प्रेसमधून उतरताना दोन प्रवाशी रुळावर पडल्याची माहिती आहे. यात एकाचा मृत्यू झाला आहे, तर एक गंभीर जखमी झाला आहे. डेक्कन क्विन एक्स्प्रेस रेल्वेतून उतरण्याचा प्रयत्न करत असताना हा अपघात झालाय.

कल्याण रेल्वे स्थानकात डेक्कन क्विन एक्स्प्रेस आली होती. ती पुण्यावरुन आली होती. यावेळी रेल्वेमधून उतरण्याचा दोन प्रवाशांनी प्रयत्न केला. यात दोघे जण रुळावर पडले. एकाचा जागीच मृत्यू तर एक गंभीर जखमी झाल्याचे वृत्त आहे. स्टेशनवरील हमालांनी जखमी प्रवाशाला कल्याणच्या रुक्मिणी बाई हॉस्पिटलमध्ये उपचाराला नेल्याचे समजते.

कल्याण स्टेशन परिसरात आज पहाटे पुण्यावरून मुंबईच्या दिशेने जाणारी डेक्कन क्वीन या गाडीतून पडून एकाचा मृत्यू तर एक गंभीर जखमी झाला. पुण्यावरून प्रवास करून कल्याण मध्ये या गाडीला थांबा नसताना या दोन तरुणांनी कल्याणमध्ये चालत्या ट्रेन मधून उतरण्याचा प्रयत्न केला.

यावेळेस अपघात घडला असून स्टेशन परिसरात उपस्थित असलेल्या हमालांनी या दोघांना कल्याण रुक्मिणी बाई रुग्णालयात दाखल केले असून हे दोन्हे नातेवाईक असल्याची माहिती पोलिसांकडून मिळत आहे. सकाळी 9.45 वाजता ही गाडी स्थानकातून पास होत असतानाच त्यातील दोन प्रवाशांनी चालत्या गाडीतून उतरण्याचा प्रयत्न केला. उतरतानाच एकाचा तोल गेल्याने त्याला वाचवायला दुसरा गेला आणि दोघे ही खाली पडले.

दोघांना कर्जतला उतरायचे होते, पण गाडी तेथेही थांबत नाही. म्हणून कल्याणला उतरायचा प्रयत्न केला. यात त्यांचा अपघात झाला. फरीद अन्सारी असे मृत्यू झालेल्या तरुणाचे नाव आहे, तर रियाज अन्सारी जखमी झाला आहे. (Latest Marathi News)