मुंबई : देहविक्रीच्या रॅकेटमधून सुटका केलेल्या आणि सध्या सरकारी आश्रय शाळेत निवाऱ्याला असलेल्या बहिणीला सोडवण्यासाठी याचिका करणाऱ्या सख्या भावाला मुंबई उच्च न्यायालयाने तब्बल एक लाख रुपयांचा दंड सुनावला आहे. याचिकादार भावाने बहिणीचा ताबा मिळावा म्हणून उच्च न्यायालयाच्या नागपूर खंडपीठापुढे याचिका केली आहे. नागपूर पोलिसांनी बहिणीची सुटका एका देह विक्री करणाऱ्या टोळीच्या रॅकेटमधून केली आहे. सध्या तीला सरकारी निवारा शाळेत ठेवण्यात आले आहे. तीचा ताबा भावाला देण्यास पोलिसांनी विरोध केला आहे. त्यामुळे त्याने उच्च न्यायालयात याचिका केली.
याचिकेवर न्या झेड ए हक आणि न्या अविनाश घारोटे यांच्या खंडपीठापुढे व्हिडीओ कौन्फरन्सिंगद्वारे नुकतीच सुनावणी झाली. संबंधित मुलगी सज्ञान आहे. जर तीला सुटका हवी असेल तर तीने स्वतः हून सांगितले असते. तीला जेव्हा निवारा केंद्रात आणले तेव्हाही तीने जाण्याची परवानगी मागितली असती. त्यामुळे तीचा ताबा भावाला देऊ नये, असा युक्तिवाद सरकारी वकील के एल धर्माधिकारी यांनी केला.
या युक्तिवादाला खंडपीठाने मान्यता दिली. सज्ञान बहिणीसाठी भावाने याचिका करण्याची कायद्यामध्ये तरतुद नाही, असे निरिक्षण न्यायालयाने नोंदविले. तसेच दंडाची एक लाख रुपयांची रक्कम जिल्हा बार असोसिएशनला देण्याचे निर्देशही न्यायालयाने रजिस्ट्री कार्यालयाला दिले. कोविड 19 मुळे समस्येत असलेल्या गरजू वकिलांसाठी याचा वापर करण्याचे आदेश खंडपीठाने दिले आहेत.
-----------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.