मुंबई: गेल्या चार ते पाच महिन्यांपासून कोरोना व्हायरस तळं ठोकून आहे. कोरोनाबाधित रुग्णांचा आकडा दिवसेंदिवस वाढताना दिसत आहे. मुंबई शहरात कोरोनाचा प्रार्दुभाव जास्त प्रमाणात झालेला दिसतो. मुंबईत कोरोनाचा उद्रेकही दिवसेंदिवस वाढत चालला आहे. दरम्यान राज्य सरकार हळूहळू मुंबई अनलॉक करत आहे. बऱ्याच प्रमाणात लॉकडाऊनमधील निर्बंध शिथिल करण्यात आलेत. कोरोनाचा प्रसार रोखण्यासाठी प्रशासनाकडून विविध पातळीवर प्रयत्न करण्यात येत आहे. पालिकेच्या अथक प्रयत्नानंतर मुंबईतील कोरोना बऱ्यापैकी नियंत्रणात आला आहे. त्यातच एकेकाळी हॉटस्पॉट ठरलेल्या धारावीतही कोरोना नियंत्रणात येत आहे.

धारावीमध्ये आज दिवसभरात 6 नवीन रूग्णांची भर पडली असून एकूण रूग्णसंख्या 2711 इतकी झाली आहे. तर धारावी, दादर, माहिम परिसराचा समावेश असणाऱ्या जी उत्तर विभागात आज 28 नवीन रुग्णांची भर पडली. आता एकूण रूग्णांचा आकडा 7,206 वर पोहोचला आहे. तर आतापर्यंत 413 रूग्णांचा मृत्यू झाला आहे.

हेही वाचाः  मुंबई पोलिस अॅक्शन मोडमध्ये; जप्त केल्या हजारो गाड्या, कारवाईचा आकडा बघून व्हाल चकित

धारावीत केवळ 84 ऍक्टिव्ह रुग्ण असून त्यांच्यावर उपचार सुरू आहेत. दादरमध्ये आज 6 नवीन रुग्ण सापडले असून रुग्णांची एकूण संख्या ही 2387 इतकी झाली आहे. 407  ऍक्टिव्ह रुग्ण आहेत. माहिममध्ये आज 16 नवीन रुग्णांची भर पडल्यानं रुग्णांची संख्या 2108 इतकी झाली. तर 250 ऍक्टिव्ह रुग्ण आहेत. संपूर्ण जी उत्तरमध्ये एकूण 741 ऍक्टिव्ह रुग्ण आहेत.

अधिक वाचाः  मुंबईकर, गणेश विसर्जनावेळी पालिकेचे 'हे' नियम लक्षात ठेवा; नाहीतर..

जी उत्तर विभागातील कोरोना बाधित रुग्णांच्या संख्येत 28 रुग्णांची भर पडली असून जी उत्तर विभागातील रुग्णसंख्या ही 7,206 वर पोहोचली आहे. जी उत्तर मध्ये कोरोनामुक्त होण्याचा आकडा ही वाढत असून आतापर्यंत धारावीमध्ये 2367,दादरमध्ये 1889 तर माहिममध्ये 1778 असे एकूण 6034 रुग्ण कोरोनामुक्त झाले आहेत.

(संपादनः पूजा विचारे)

Dharavi Covid 19 Six new cases BMC continue watchlist