Salman Khan: अभिनेता सलमान खान याच्या घरावर करण्यात आलेल्या गोळीबार प्रकरणी अटक करण्यात आलेला आरोपी अनुज थापन याने तुरुंगात चादरीच्या साहाय्याने गळफास लावून घेतला.

अनुज याने फास लावून घेतल्यानेच त्याचा मृत्यू झाल्याचे शवविच्छेदन अहवालातून उघड झाले आहे.(salman khan home firing)

अभिनेता सलमान खानच्या मुंबईतील गॅलेक्सी अपार्टमेंबाहेर काही दिवसांपूर्वी दोन जणांनी गोळीबार केला होता. या प्रकरणी दोन आरोपींना गुजरातमधील भुज येथून अटक करण्यात आली तर अनुज थापन आणि सोनू बिश्नोई याला पंजाब येथून अटक करण्यात आले.

पोलिसांच्या ताब्यात असलेल्या अनुज याने बुधवारी तुरुंगात चादरीच्या साहाय्याने गळफास लावून घेतला यात त्याचा मृत्यू झाला. अनुज याचा शवविच्छेदन अहवाल सादर करण्यात आला गळ्या भोवती चादर गुंडाळल्याने झालेले व्रण व श्वास गुदमरल्याने त्याचा मृत्यू झाल्याचे शवविच्छेदन अहवालात नमूद करण्यात आले आहे.