मुंबई : वीज पुरवठा करणाऱ्या ग्रीड मध्ये तांत्रिक बिघाड झाल्याने मुंबई महानगर प्रदेशातील परिसरातील वीज पुरवठा खंडित झाला आहे. यामुळे रेल्वे वाहतूक विस्कळीत झाली असून मुंबई विद्यापीठाच्या परिक्षेलाही याचा फटका बसला आहे. वीज पुरवठा सुरळीत होण्यास एक तास लागण्याची शक्यता वर्तविण्यात येत आहे.

मुंबईत गेल्या अर्ध्या तासापासून लाईट गूल, रुग्णालयात एक्सरेसाठी आलेल्या पेशंटचा खोळंबा

 ग्रीड मध्ये तांत्रिक बिघाड झाल्याने सकाळी दहा वाजण्याच्या सुमारास मुंबई महानगर क्षेत्रात वीज खंडित झाली. यामुळे सर्व कामे ठप्प झाली. तर याच परिसरातील काही ठिकाणी वीज पुरवठा सुरळीत आहे. पश्चिम, मध्य रेल्वे सेवा ही विस्कळीत झाली आहे. यामुळे लोक रेल्वे गाड्यांमधून उतरून रुळावरून चालत आहेत.
मुंबई विद्यापीठाच्या परीक्षानाही याचा फटका बसला आहे. वीज पुरवठा पूर्ववत होण्यास एक तास लागण्याची शक्यता वर्तविण्यात येत आहे. टाटा पावरकडून येणारा विद्यूत पुरवठ्यात बिघाड झाल्यामुळे विद्यूत पुरवठा खंडित झाला आहे. ग्राहकांच्या गैसोयीबद्दल आम्ही दिलगीर आहोत, असे बेस्टने कळविले आहे.

जातीय आरक्षणांसाठी महाराष्ट्रात तलवारी उपसण्याची भाषा सुरू: सामना

तर महापारेषणच्या 400 केवी कळवा पडघा जीआयएस केंद्रात सर्किट 1 देखभाल-दुरुस्ती सुरू होती. यावेळी सर्व भार सर्किट 2 वर होता. मात्र सर्किट 2 मध्ये अचानक तांत्रिक बिघाड झाल्याने हा बिघाड झाल्याचे बोलले जात आहे.

-------------------------------------------

( संपादन - तुषार सोनवणे)