खोपोली : शहरात खोपोली नगरपालिकेकडून 60 बेडचे कोव्हिड केअर केंद्राची निर्मिती केली आहे; मात्र पंधरा दिवसांपासून येथे डॉक्टर नाहीत. या संदर्भात सतत मागणी करूनही डॉक्टर मिळाले नसल्याने सर्वपक्षीय नगरसेवकांमध्ये नाराजी आहे. यासाठी पालकमंत्र्यांकडेही पाठपुरावा केला; मात्र त्यांचे खोपोलीकडे दुर्लक्ष असल्याचे मत ज्येष्ठ नगरसेवक मोहन औसरमल यांनी व्यक्त करून त्यांना घरचा आहेर दिला आहे.
खोपोली नगरपालिकेच्या कोव्हिड केअर केंद्राला सुरुवातीला दोन डॉक्टर देण्यात आले. मात्र, 12 दिवस सेवा बजावून हे दोन्ही डॉक्टर गेले ते, 15 दिवसांहून अधिक दिवस झाले तरी परतलेले नाहीत. येथील केंद्राला लवकरात लवकर डॉक्टर उपलब्ध होण्यासाठी आमदार महेंद्र थोरवे, माजी आमदार व राष्ट्रवादी जिल्हाध्यक्ष सुरेश लाड यांच्यामार्फत ही जिल्हाधिकारी, जिल्हा शल्यचिकित्सक, राज्य आरोग्य विभाग व थेट पालकमंत्री अदिती तटकरे यांच्याशी पाठपुरावा केला जात आहे. पालिकेकडून पत्रव्यवहारही करण्यात आला आहे. मात्र, अद्याप डॉक्टर उपलब्ध झाले नाहीत.
येथील कोव्हिड केअर केंद्र फक्त विलगीकरण कक्ष बनले आहे. बाधित रुग्णांचे तर उपचाराअभावी हाल होत आहेत. यामुळे खोपोली शहरातील नागरिक, सर्वपक्षीय नगरसेवक, सामाजिक कार्यकर्त्यांत प्रचंड नाराजी व्यक्त होत आहे. या संदर्भात सतत पाठपुरावा केला जात असल्याचे नगराध्यक्ष सुमन औसरमल यांनी सांगितले.
--------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.