डोंबिवली - काँग्रेस प्रदेश अध्यक्ष नाना पटोले यांच्या उपस्थितीत काँग्रेसचा मेळावा कल्याण येथे पार पडला. मात्र या मेळाव्या दरम्यान काग्रेसच्या एका नेत्याने स्वतःचेच हसू करून घेतले आहे.

राजन भोसले हे कल्याण जिल्हा प्रभारी आणि प्रदेश सचिव आहे. त्यांनी त्यांच्या भाषणा दरम्यान पंतप्रधान राजीव गांधी यांची पुण्यतिथी आहे. आजचा दिवस महान आहे अशी सुरुवात केली. मात्र महिला जिल्हाध्यक्षा कांचन कुलकर्णी यांनी त्यांना हटकले. हे ऐकून मंचावर बसलेले नाना पटोले यांच्यासह नेते आणि पदाधिकारी हैराण झाले.

कल्याणमध्ये बुधवारी काँग्रेस पक्षाच्या वतीने अत्रे रंगमंदिरात पक्षाचा मेळावा आयोजित केला होता. या मेळाव्यास प्रदेशाध्यक्ष नाना पटोले हे उपस्थित होते. या मेळाव्यास पदाधिकारी आणि कार्यकर्त्यांनी एकच गर्दी केली हेती.

सभागृह खच्चून भरले होते. अनेकांना तर बसायला जागा मिळाली नाही. यावेळी कल्याण जिल्हा प्रभारी आणि प्रदेश सचिव राजन भोसले यांनी भाषणाला सुरुवात केली. मित्रांनो आज आपल्याकडे महत्वाचा दिवस आहे. याच दिवशी राजीव गांधी यांची हत्या झाली होती.

राजीव गांधी याचा आज स्मृती दिवस असल्याने मी त्यांना विनम्र अभिवादन करतो. अशा दूरदृष्टी नेत्यामुळेच असे बोलत असताना महिला जिल्हाध्यक्षा कांचन कुलकर्णी या त्यांनी त्यांना हटकले. त्या त्यांच्या निदर्शनास आणून दिले की, आज स्मृती दिन नाही. तेव्हा लगेच भोसले यांनी त्यांची चूक सुधारत राजीव गांधी यांचा स्मृती दिन 21 मे रोजी असतो असे सावरुन घेतले.

काँग्रेसच्या प्रदेश सचिवला गांधीचा स्मृती दिन कोणता हे माहिती नसल्याने मंचावरील प्रदेशाध्यक्ष नाना पटोले यांच्यासह पदाधिकारी, कार्यकर्ते हैराण झाले. प्रदेश सचिव भोसले यांनी त्यांच्या भाषणात स्वतःचे हसू करून घेतले असून त्यांचे हे भाषण चर्चेचा विषय झाले आहे.