काटई बदलापूर पाईपलाईन रोडवरील समाधान हॉटेलचे मॅनेजर राधेशाम सिंग यांच्यावर चाकूने हल्ला करीत त्यांना गंभीर जखमी केल्याची घटना रविवारी रात्री घडली आहे.
डोंबिवली - काटई बदलापूर पाईपलाईन रोडवरील समाधान हॉटेलचे मॅनेजर राधेशाम सिंग यांच्यावर चाकूने हल्ला करीत त्यांना गंभीर जखमी केल्याची घटना रविवारी रात्री घडली आहे. दोघा इसमांनी त्यांची दुचाकी अडवून चाकुने हल्ला करीत त्यांना जखमी करत त्यांच्याकडील महागडा मोबाईल काढून घेऊन हल्लेखोरांनी पोबारा केला आहे. सिंग यांच्यावर मुंबईतील एका रुग्णालयात उपचार सुरु असून याप्रकरणी मानपाडा पोलिस ठाण्यात गुन्हा दाखल करण्यात आला आहे.
राधेशाम सिंग हे कोळेगाव येथे राहण्यास असून समाधान हॉटेलमध्ये ते मॅनेजर म्हणून काम करतात. रविवारी रात्री 12.30 च्या दरम्यान ते हॉटेल बंद केल्यानंतर दुचाकीवरुन आपल्या घरी जात होते. कोळेगावातील गणपती कारखान्या जवळ त्यांची गाडी येताच बदलापूर दिशेने जाणाऱ्या दुचाकीवरुन आलेल्या दोघांनी त्यांची दुचाकी अडवली.
राधेशाम यांनी गाडी अडविताच त्यातील एका इसमाने धारदार चाकू राधेशाम यांच्या पोटात खुपसला. त्यांना गंभीर जखमी करत त्यांच्याकडील मोबाईल हिसकावून घेत त्यांनी घटना स्थळावरुन पळ काढला. याप्रकरणी मानपाडा पोलिस ठाण्यात गुन्हा दाखल करण्यात आला असून राधेशाम यांच्यावर सध्या मुंबईतील रुग्णालयात उपचार सुरु आहेत.
चोरीच्या उद्देशाने हा हल्ला झाला असावा असा प्राथमिक अंदाज पोलिसांनी वर्तविला आहे. परिसरातील सीसीटिव्ही फुटेज व इतर गोष्टींच्या आधारे हल्लेखोरांचा तपास मानपाडाचे पोलिस उपनिरिक्षक संजय सहारे करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.