डोंबिवली : रस्त्यावरील खड्ड्यातून (potholes on road) नागरिक दररोज ये जा करतात, पण त्याविषयी आवाज उठवत नाहीत, जाब विचारत नाहीत. खराब कामाविषयी, नागरिकांना होणाऱ्या त्रासाविषयी (people disappointed) जाब विचारणे हा हक्क असून पालिका प्रशासनाचे (kdmc) लक्ष वेधण्यासाठी रविवारी एमआयडिसी (MIDC) परिसरातील नागरिकांनी रस्त्यावर उतरून खड्डे लाईव्ह (potholes live) करीत प्रशासनाचा निषेध केला.

डोंबिवली एमआयडिसीतील रस्त्यांवर खड्डे पडले असून यातून जीवघेणा प्रवास नागरिकांचा सूरु आहे. स्वतःला होणाऱ्या त्रासाकडे पालिका प्रशासनाचे लक्ष वेधण्यासाठी कोणत्याही राजकीय पक्षाला मध्ये न घेता रविवारी नागरिक रस्त्यावर उतरले. यात समाजसेवक नंदू ठोसर, तेजस पाटील, सुलेखा गटकळ, दर्शन परब यांसह काही नागरिक उपस्थित होते. मंत्री नितीन गडकरी यांनी कल्याण डोंबिवली शहराचा अस्वच्छ शहर म्हणून उल्लेख केला होता. त्याचे नागरिकांना रस्त्यांची व शहराची अवस्था पाहता समर्थन करावे लागत आहे अशा शब्दात नागरिकांनी पालिका प्रशासनाचा निषेध यावेळी नोंदविला.