मुंबई : अमली पदार्थ (Drugs case) प्रकरणात अटकेत असलेल्या समीर खान (sameer khan) यांना विशेष न्यायालयाने (special court) नुकताच सशर्त जामीन मंजूर (bail granted) केला. समीर हे राष्ट्रवादी काँग्रेसचे नेते नवाब मलिक (nawab malik) यांचे जावई आहेत. अमली पदार्थविक्रीचा आरोप एनसीबीने (NCB) खान यांच्यावर ठेवला आहे. त्यामध्ये राहिला फर्निचरवाला आणि करण सेजनानी यांच्यावर एनसीबीने कारवाई केली आहे. जप्त करण्यात आलेले अमली पदार्थ व्यावसायिक विक्रीसाठी आणण्यात आले होते, असा आरोप करण्यात आला आहे.

यापूर्वी खान यांनी केलेला जामीन अर्ज न्यायालयाने फेटाळला होता. या प्रकरणाचा माझ्याशी संबंध नाही आणि पोलिसांकडे माझ्याविरोधात पुरावे नाहीत, असा युक्तिवाद खान यांच्या वतीने करण्यात आला. न्यायालयाने पन्नास हजार रुपयांच्या जामिनावर त्यांची सुटका केली आहे. ॲड. तारिक सय्यद यांनी त्यांच्या वतीने बाजू मांडली.