चौकशीसाठी २७ जुलैला कार्यालयात हजर राहण्याचे आदेश

मुंबई: अभिनेता सुशांत सिंग राजपूत मृत्यू प्रकरणात ड्रग्स माफियांचा सहभाग असल्याची चर्चा जेव्हापासून रंगली, तेव्हापासून राज्यात नार्कोटिक्स कंट्रोल ब्युरोनी अनेक ठिकाणी छापेमारी केली. ड्रग्स प्रकरणात बॉलिवूडमधील बड्या सेलेब्रिटींनाही NCB च्या कार्यालयात चौकशीसाठी हजर राहण्याची वेळ आली. अद्यापही नार्कोटिक्स कंट्रोल ब्युरोचे धाडसत्र सुरूच असून अनेकांवर कारवाई केली जात आहे. याचदरम्यान, समाजवादी पक्षाचे नेते अबु आझमी यांचा भाचा अबु असलम आझमी याला एका ड्रग्स प्रकरणात NCBने समन्स बजावले आहे. NCB अधिकाऱ्याने स्वत: याबद्दलची माहिती 'एएनआय'ला दिली. ड्रग्स प्रकरणात NCB ने त्याला २७ जुलैला चौकशीसाठी कार्यालयात हजर राहण्याचे आदेश देण्यात आले आहेत.