मुंबई - ईडी अधिकाऱ्यांनी मंगळवारी संशयीत बुकी अनिल जयसींघानी याच्याशी संबधित उल्हासनगर आणि मुंबईतील काही ठिकाणाची झडती घेतली. २०१५ मध्ये झालेल्या आयपीएल स्पर्धेत बेटींग रॅकेट जयसिंघानी चालवत होता. त्यातून मोठ्या प्रमाणात मनी लॉड्रींग झाल्याचा ईडीला संशय आहे. या प्रकरणातून ही छापेमारी करण्यात आल्याचे ईडीच्या अधिकाऱ्यांनी सांगीतले.

अनिल जयसिंघानी आणि त्याची मुलगी अनिष्का यांना उपमुख्यमंत्री देवेंद्र फडणवीस यांची पत्नी अमृता फडणवीस यांना जबरदस्तीने लाच देणे आणि ब्लॅकमेल करण्याप्रकरणी अटकेत आहे.जयसिंघानी याला एप्रिल महिन्यात ईडीने अटक केली.

१७ मार्चला अनिष्का हीला कोर्टाने जामीन या प्रकरणी जामीन दिला होता. २०१५ गुजरातमध्ये वडोदरा शहराबाहेरील फॉर्महाऊसमध्ये ईडीने आयपीएल संबधीत मनी लॉड्रींगचे रॅकेट उध्वस्त केले होते. या प्रकरणी १६ जणांना अटक केली होती. या प्रकरणाशी संबधित आजची कारवाई होती असे सांगण्यात आले आहे.