डोंबिवली - डोंबिवलीत सर्वच राजकीय पक्षाकडून दहीहंडी उत्सव आयोजित करण्यात आला आहे. यातच आता शिवसेना उद्धव ठाकरे गटाकडून "एकनिष्ठ दहीहंडी" चे आयोजन करण्यात आले आहे. डोंबिवली पश्चिमेत मोठ्या प्रमाणात "एकनिष्ठ दहीहंडी" चे बॅनरस आणि कमानी लावण्यात आल्या आहेत.

शिवसेनेत फूट झाल्यानंतर प्रथमच एकनिष्ठ दहीहंडीचे आयोजन करण्यात आले असून आम्ही उद्धव ठाकरे यांच्याशी एकनिष्ठ आहोत हे दाखवण्याचा प्रयत्न शिवसेना उद्धव ठाकरे गटाकडून केला गेला आहे. तर एकनिष्ठ या शब्दावरूनच शिवसेना शिंदे गटातील युवासेनेचे नेते आणि केडीएमसी माजी सभापती दीपेश म्हात्रे यांनी शिवसेना उद्धव ठाकरे गटाला टोला हाणत सांगितले की

काही लोकांना सगळ्याच गोष्टीत राजकारण आणण्याची सवय आहे, निष्ठा ही लोकांसोबत आणि जनतेसोबत असली पाहिजे. मुख्यमंत्री एकनाथ शिंदेवरती निष्ठा ही सर्वसामान्य जनतेने ठेवली आहे, असे म्हात्रे यांनी सांगितले....