eknath shinde with fadnavis Sakal
मुंबई

शिंदेंचा एक्झिट प्लॅन बदलला, थेट राजभवनात हेलिकॉप्टर उतरवणार!

सकाळ डिजिटल टीम

महाराष्ट्रातील राजकारणात नव्या घडामोडींनी वेग धरला आहे. विधानपरिषदेची निवडणूक संपली आणि राजकीय नेत्यांचे रस्ते रातोरात बदलले. शिवसेनेत मोठी फूट पडली आणि आता पर्यायाने सरकार पडणार, हे स्पष्ट झालंय. कारण मागील आठ दिवसांपासून भाजपच्या गोटातील हालचाली वाढल्या आणि फडणवीस पुन्हा सिंहासन मिळवणार असल्याचं चित्र आहे. (Maharashtra Politics)

मागील आठ दिवसांपासून घडामोडी वायूवेगाने वाढल्या. सत्ताधारी आणि विरोधकांच्या गोटात हालचाली होऊ लागल्या. गेल्या ४८ तासापासून यामध्ये राज्यपाल भगतसिंह कोश्यारी यांनी उडी घेतली असून महाविकास आघाडी सरकारला कात्रीत पकडण्याचा प्रयत्न केला आहे. (Sharad Pawar News)

सध्या आमदारांच्या सुरक्षिततेचा प्रश्न उपस्थित केला जातोय. यासाठी भाजप आणि शिंदे समर्थकांनी जोरदार प्लॅनिंग केलंय. गोवा आणि मुंबई विमानतळासोबतच राजभवनाच्या हेलिपॉडचाही यामध्ये समावेश आहे.

राज्यपाल भगतसिंह कोश्यारी, भाजप आणि शिंदेंच्या बंडाळीने राज्य सरकारला घेरल्याचं स्पष्ट आहे. फडणवीसांनी खेळी यामुळे यशस्वी होत असल्याचं दिसतंय. शिंदे गटातील सर्व आमदारांना गुवाहाटीतून गोव्याला नेण्यात येत आहे. गोव्यातील ताज कन्व्हेनशनमध्ये त्यांची सोय लावल्याची माहिती मिळत आहे. मात्र या ठिकाणाहून विधानभवनाचा रस्ता खडतर होणार आहे.

सेनेच्या गोटात मोठ्या प्रमाणात नाराजी आहे. गद्दारांना धडा शिकवण्यची भाषा कार्यकर्ते करत आहेत. त्यामुळे आमदारांना मुंबई विमानतळ ते विधानभवनाचा रस्ता गाठण्याचा मार्ग खडतर होणार आहे. मात्र भाजपचे कार्यकर्ते या आमदारांच्या सुरक्षेसाठी तैनात होणार आहेत.

सर्वात महत्वाचं म्हणजे आमदार मुंबई विमानतळावर उतरल्यानंतर त्यांना विमानतळावरून हेलिकॉप्टरने राजभवनात उतरवलं जाणार आहे. उद्या एकनाथ शिंदे गट मुंबईत विमानतळावर दाखल होणार असल्याचं स्पष्ट आहे. राजभवन ते विधान भवनापर्यंत शिंदे समर्थक मानवी साखळी करणार असून आमदारांना सुरक्षित पोहोचवण्यात येणार आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Agniveer Marriage Permission: अग्निवीरांनाही लग्न करता येणार; सरकारने बदलला नियम, पण आहे 'ही' एकच अट

Shiv Nadar: नादर कुटुंबाचे दररोज ७.१ कोटी रुपयांचे दान, दानशूरतेमध्ये सलग पाचव्या वर्षी अव्वल

IND vs NZ, Test: रिषभ पंतचा षटकार ठोकत शतकाचा चौकार! रोहित-गेलला टाकलं मागे अन् आता सचिन तेंडुलकरचा विक्रम धोक्यात

Hormuz Strait Swim : समुद्रात उतरला अन् काही मिनिटांतच स्फोट! होर्मुझमध्ये पोहताना जलतरणपटूने काय पाहिलं? धक्कादायक अनुभव

Marathi News Live Updates : श्रीवर्धन मतदार संघ राष्ट्रवादीचा बालेकिल्ला - खासदार सुनिल तटकरे

SCROLL FOR NEXT