मुंबई: एल्गार परिषद (Elgar Parishad) आणि माओवाद्यांशी (maoist) संबंध असल्याच्या प्रकरणातील आरोपी फादर स्टॅन स्वामी (Stan Swamy) यांचा सोमवारी मृत्यू झाला. स्टॅन स्वामी यांच्या वकिलाने मुंबई उच्च न्यायालयात (Mumbai high court) ही माहिती दिली. कोर्टाने सोमवारी स्टॅन स्वामी यांची जामिन अर्जाची याचिका सुनावणीसाठी घेतली. (Elgar Parishad case Accused Stan Swamy dies)

त्यावेळी वकिलाने त्यांचा मृत्यू झाल्याची माहिती दिली. शनिवारी रात्री ८४ वर्षीय स्टॅन स्वामी यांची प्रकृती बिघडली. आज पहाटे ४.३० च्या सुमारास त्यांना कार्डिअक अरेस्टचा झटका आला. त्यात त्यांचे निधन झाले असे त्यांच्या वकिलाने कोर्टाला सांगितले.

२८ मे पासून कोर्टाच्या आदेशानुसार होली फॅमिली हॉस्पिटलमध्ये ८४ वर्षीय स्टॅन स्वामी यांच्यावर उपचार सुरु होते. मागच्या आठवड्यात त्यांची प्रकृती बिघडली. रविवारी त्यांना व्हेंटिलेटर सपोर्टवर ठेवण्यात आले होते. मागच्या आठवड्यात त्यांनी मुंबई उच्च न्यायालयात याचिका दाखल करुन आव्हान दिले. UAPA कायद्याच्या कलम 43D(5) त्यांनी आव्हान दिले. या कलमामुळे सहजासहजी आरोपीचा जामिन मंजूर होत नाही.