मुंबई : राज्यात प्लास्टिक बंदी असली तरी मुंबईच्या कचऱ्यातील प्लास्टिकचे प्रमाण कमी होत नाही. गेल्या दोन वर्षांपासून रोजच्या कचऱ्यातील प्लास्टिकचे प्रमाण हे 3.24 टक्केच आहे. 
महाराष्ट्रात मार्च 2018 पासून प्लास्टिक बंदी लागू झाली आहे. अपवादात्मक वापरासाठी प्लास्टिकचा वापर करण्यास परवानगी देण्यात आली आहे; मात्र तरीही बंदी असलेल्या प्लास्टिकचा वापर सर्रास सुरू असल्याचे चित्र आहे. महानगरपालिकेच्या 2019-20 या वर्षाच्या पर्यावरण स्थितीदर्शक अहवालात रोजच्या कचऱ्यातील प्लास्टिकचे प्रमाण 3.24 टक्के आहे, तर 2017-18 मध्ये हे प्रमाण 3.24 टक्के आहे. 

दीपिकाची चौकशी करणाऱ्या NCBच्या अधिकाऱ्याला कोरोनाची लागण

महानगरपालिकेने तीन वर्षांपूर्वी रोज 100 किलोपेक्षा जास्त कचरा निर्माण होणाऱ्या संकुलांना ओल्या कचऱ्यावर प्रक्रिया करणे बंधनकारक केले आहे. त्यामुळे 2017-18 मध्ये रोज 7200 ते 7500 मेट्रिक टन कचरा जमा होत होता. हे प्रमाण आता 6500 ते 6800 मेट्रिक टन कचरा निर्माण होत आहे. कचऱ्याचे प्रमाण कमी झालेले असले तरी त्यातील प्लास्टिकच्या कचऱ्याचा हिस्सा कमी झालेला नाही. उलट 2015-16 या वर्षात शहरातील रोजच्या कचऱ्यातील प्लास्टिकच्या कचऱ्याचा हिस्सा 3 टक्के होता; मात्र तेव्हा रोज 6800 मेट्रिक टन कचरा जमा होत होता. 

शिवसेना नेते एकनाथ शिंदे कोरोनामुक्त; खासगी रुग्णालयातून उपचारानंतर डिस्चार्ज

राज्यात साडेचार कोटींचा दंड वसूल 
प्लास्टिकच्या पिशव्या, थर्माकॉल, प्लास्टिक थर्माकॉलपासून एकदाच वापरता येण्यासारख्या वस्तू, भांडी यांच्या वापरावर पूर्णपणे बंदी आहे. सुरुवातीच्या काळात या वस्तू वापरणाऱ्यांवर कारवाईही होत होती; मात्र आता पुन्हा फेरीवाल्यांकडे प्लास्टिकच्या पिशव्या दिसू लागल्या आहेत. राज्यातील महानगरपालिकांच्या हद्दीत 2018 पासून मार्च 2020 पर्यंत 85 हजार 840 किलो प्लास्टिक जप्त करण्यात आले असून, 4 कोटी 64 लाखांचा दंड वसूल केला आहे. बंदी असलेले प्लास्टिक वापरणाऱ्यांकडून 5 ते 25 हजार रुपयांचा दंड तसेच तीन महिन्यांची कैद अशा शिक्षेची तरतूद आहे. 

------------------------------------------------------

( संपादन - तुषार सोनवणे )