मुंबई - दुबई (Dubai) सह संयुक्त अरब अमिराती (Amirati) मधून येणाऱ्या प्रवाशांना (Passenger) सोमवार (ता. 17) पासून सात दिवसांच्या गृह विलगीकरणासह विमानतळावरील कोविड चाचणीतून (Covid Test) सुट देण्यात आली आहे. केंद्र सरकारच्या निर्देशानुसार महानगर पालिकेने हा निर्णय जाहीर केला आहे.

ओमिक्रॉनच्या पाश्‍र्वभुमीवर केंद्र सरकारने आखाती, युरोप तसेच आफ्रिकेतून येणाऱ्या प्रवाशांसाठी डिसेंबर महिन्यात नियमावली जाहीर केली होती. यात मुंबईत विमानतळावर आल्यावर कोविड चाचणीसह सात दिवसांचे गृहविलगीकरण बंधनकारक केले होते. मात्र,आता या नियमांमध्ये सुधारणा करण्यात आली आहे. दुबई सह संयुक्त अरब अमिराती मधून येणाऱ्या प्रवाशांना आता कोणतीही बंधने नसणार. असे पालिकेकडून स्पष्ट करण्यात आले.