मुंबई : फेक टीआरपीप्रकरणी गुन्हेशाखेच्या पोलिसांनी आणखी एकाला शुक्रवारी अटक केली. अटक आरोपीने याप्रकरणातील संशयीत आरोपी अभिषेक कोलवडे याला पळण्यास मदत केल्याचा आरोप आहे.  याप्रकरणी अटक आरोपींची संख्या नऊ वर पोहोचली आहे. दरम्यान, याप्रकरणी बनावटीकरण करण्यात आल्याचे निष्पन्न झाले असून त्या अनुषंगाने कलम वाढवण्यात आले आहे.

मुंबईकरांसाठी खुशखबर! बेस्ट बसेस पुर्ण क्षमतेने चालवण्यास राज्य सरकारने परवानगी

हरिष कमलाकर पाटील(45) असे अटक आरोपीचे नाव असून तो चांदिवली येथील रहिवासी आहे. मॅक्स मीडियाशी संबंधीत संशयीत आरोपी अभिषेक कोलवडे याचा सध्या गुन्हे शाखा शोध घेत असून त्याचे व अटक आरोपी पाटीलचे घनिष्ठ संबंध असल्याचे निष्पन्न झाले आहे. त्यांच्या कंपनीच्या खात्यातही पाटीलची संशयीत देवाण-घेवाण झाली असल्याचे गुन्हे शाखेच्या तपासात निष्पन्न झाले आहे. चौकशीत पाटीलने कोलवडेला पळून जाण्यासाठी मदत केल्याचे गुन्हे शाखेच्या तपासात समोर आल्यानंतर याप्रकरणी पाटीलला अटक करण्यात आली. ही याप्रकरणातील नववी अटक आहे. याशिवाय याप्रकरणी संशयीत आरोपींनी बनावटीकरणही केल्याचे तपासात निष्पन्न झाल्यानंतर शुक्रवारी याप्रकरणी भादंवि कलम 212, 406, 465 व 468 यांचाही समावेश करण्यात आला आहे. दरम्यान पोलिस याप्रकरणी अटक आरोपी पाटीलच्या बँक खात्याची तपासणी करणार आहे.

यापूर्वी याप्रकरणी दिनेश विश्वकर्मा(37) व रामजी वर्मा(44), हंसा कंपनीचा विशाल वेद भंडारी (21), अंधेरीतील बोमपेली नारायण मिस्त्री (44), बॉक्स सिनेमाचे नारायण नंदकिशोर शर्मा (47), फक्त मराठीचे शिरीष सतीश पत्तनशेट्टी (44) आणि उत्तर प्रदेशमधून विनय त्रिपाठी व उमेश मिश्रा यांना अटक करण्यात आली आहे.

पनवेल ग्रामीणमध्ये कोरोना आटोक्‍यात; रुग्ण बरे होण्याचे प्रमाण वाढले - 

संपूर्ण प्रकरणात फॉरेन्सिक ऑडिट करण्यात येणार आहे. संशयित वाहिन्यांच्या खात्यातील पैशांची व व्यवहारांची तपासणी होणार आहे. रिपब्लिक टीव्हीसह फक्त मराठी आणि बॉक्स सिनेमाच्या  यांची नावे याप्रकरणी आली आहे. याशिवाय आणखी वाहिन्यांच्या नावाचीही चर्चा आहे. पण त्याबाब अद्याप ठोस पुरावे मिळाले नसल्याचे पोलिसांनी सांगितले याप्रकरणी आतापर्यंत टीआरपी स्कॅम प्रकरणात 40 हून अधिक जणांचे जबाब नोंदवण्यात आलेत.

---------------------------------------------

( संपादन - तुषार सोनवणे )