भिवंडी तालुक्यातील गोदामांमध्ये अग्नीतांडव सुरुच आहे. रात्रीच्या सुमारास पाऊस पडत असतानाच वळ ग्रामपंचायत हद्दीतील ग्लोब कॉम्प्लेक्समधील गोदाम संकुलात भीषण आग लागली. या घटनेत कोट्यवधी रुपयांचं साहित्य जळून खाक झालं.(Fire Broke In Bhiwandi Material worth crores of rupees burned )

या घटनेत एसी, फ्रिज, टीव्ही, वॉशिंगमशीन, मायक्रो ओव्हन असे इलेक्ट्रॉनिक साहित्य जळून खाक झाले आहे. ही घटना काल (२४ जून) रात्री साडेनऊच्या सुमारास घडली आहे. मात्र ही आग नेमकी कशी लागली हे अद्याप स्पष्ट झाले नाही.(Latest Marathi News)

आग विझविण्याचे शर्थीचे प्रयत्न केले. परंतू पाण्याचा तुटवडा भासत असल्यानं त्यात एसी फ्रिज यांचे कॉम्प्रेसर फुटत असल्याने आग पुन्हा पुन्हा भडकत होती. (Latest Marathi News)

या आगीच्या दुर्घटनेत कोणतीही जीवितहानी झाली नाही. परंतू या आगीवर पूर्णपणे नियंत्रण मिळवण्यासाठी सहा ते सात तास लागणार असल्याची माहिती अग्नीशमन दलाच्या अधिकाऱ्याने दिली आहे.